حکومت نہ تاں کہیں شعبے کوں ترجیح ݙیندی پئی اے تے نہ ہی کہیں ݙوجھے تے غیرضروری ٻوجھ سٹیندی پئی اے، وفاقی وزیرِپٹرولیم علی پرویز ملک

اسلام آباد۔27 جون (اے پی پی) وفاقی وزیرِ پٹرولیم علی پرویز ملک پٹرولیم قیمتاں دے حوالے نال آکھیے جو حکومت نہ تاں کہیں شعبے کوں ترجیح ݙیندی پئی اے تے نہ ہی کہیں ݙوجھے تے غیر ضروری ٻوجھ سٹیندی پئی اے، حکومت اپݨی بین الاقوامی ذمہ واریاں دے دائرے اچ رہندے ہوئیں صارفین تئیں کوئی وی فیدہ پڄاوݨ کیتے پُرعزم اے۔سماجی رابطے دی ویب سائٹ ایکس (ٹویٹر) تے اپݨی ہک پوسٹ اچ علی پرویز ملک آکھیا جو وزیرِاعظم محمد شہباز شریف ایں عہد دے تحت ہݨ تئیں ہائی سپیڈ ڈیزل دی قیمت اچ مجموعی طور تے 200 روپے فی لیٹر کمی کیتی اے ڄݙاں جو ہݨ تئیں پٹرول دی قیمت اچ مجموعی طور تے 155 روپے فی لیٹر کمی کیتی اے۔ انھاں آکھیا جو ایں ہفتے عالمی منڈی اچ پٹرول دی پلیٹس قیمت 98.35 توں 91.68 ڈالر فی بیرل دے وچال ڄݙاں جوہائی سپیڈ ڈیزل دی پلیٹس قیمت 109.09 توں 104.79 ڈالر فی بیرل دے وچال رہی اے۔