اسلام آباد۔28 جون (اے پی پی) صدرِ مملکت آصف علی زرداری کراچی اچ پاکستان رینجرز (سندھ) دے کیمپ تے بھارتی پراکسی جماعت الاحرار دے دہشت گرد حملے دی شدید مذمت کیتی اے۔ ایوانِ صدر دے پریس ونگ توں جاری بیان موجب صدرِ مملکت حملے اچ جامِ شہادت نوش کرݨ آلے پاکستان رینجرز دے ترائے جواناں کوں خراجِ عقیدت پیش کیتا تے شہداء دے درجات دی بلندی کیتے دعا کیتی۔ صدرِ …
صدرِمملکت آصف علی زرداری دی کراچی اچ پاکستان رینجرز (سندھ) دے کیمپ تے دہشت گرد حملے دی مذمت
اسلام آباد۔28 جون (اے پی پی) صدرِ مملکت آصف علی زرداری کراچی اچ پاکستان رینجرز (سندھ) دے کیمپ تے بھارتی پراکسی جماعت الاحرار دے دہشت گرد حملے دی شدید مذمت کیتی اے۔ ایوانِ صدر دے پریس ونگ توں جاری بیان موجب صدرِ مملکت حملے اچ جامِ شہادت نوش کرݨ آلے پاکستان رینجرز دے ترائے جواناں کوں خراجِ عقیدت پیش کیتا تے شہداء دے درجات دی بلندی کیتے دعا کیتی۔ صدرِ مملکت آصف علی زرداری آکھیا جو دہشت گردی دے خلاف جنگ اچ قوم اپݨے بہادر سپاہیاں دیاں قربانیاں کوں کݙہیں فراموش نہ کریسی۔انھاں آکھیا جو ٻاہرلی سرپرستی اچ سرگرم دہشت گرد عناصر دے مذموم عزائم کݙہیں کامیاب نئی تھی سڳدے۔ صدرِ مملکت آکھیا جو پاکستانی قوم دہشت گردی دے خلاف اپݨی سکیورٹی فورسز تے قانون نافذ کرݨ آلے اداریں دے رلے کھڑی اے۔ انھاں آکھیا جو شہداء دیاں قربانیاں دہشت گردی دے مکمل خاتمے دے قومی عزم کوں مزید تکڑا کریندن۔ صدرِ مملکت شہداء دے اہلِ خانہ نال دلی ہمدردی و تعزیت کیتی تے زخمی اہلکاراں دی وقتی صحتیابی کیتے دعا کیتی
