اسلام آباد۔28 جون (اے پی پی) چیئرمین سینیٹ سید یوسف رضا گیلانی کراچی اچ رینجرز دے کیمپ دفتر تے تھیوݨ آلے دہشت گرد حملے دی مذمت کریندے ایں کوں بزدلانہ تے قابلِ نفرت کارروائی قرار ݙتے۔ سینیٹ سیکرٹریٹ توں جاری اپݨے بیان اچ چیئرمین سینیٹ آکھیا جو ملک دے امن و استحکام کوں ضیان پڄاوݨ دی ہر مذموم کوشش کوں ناکام بݨایا ویسے۔ انھاں آکھیا جو اساݙی سکیورٹی فورسز تے …
چیئرمین سینیٹ سید یوسف رضا گیلانی دی کراچی اچ رینجرز کیمپ تے حملے دی مذمت
اسلام آباد۔28 جون (اے پی پی) چیئرمین سینیٹ سید یوسف رضا گیلانی کراچی اچ رینجرز دے کیمپ دفتر تے تھیوݨ آلے دہشت گرد حملے دی مذمت کریندے ایں کوں بزدلانہ تے قابلِ نفرت کارروائی قرار ݙتے۔ سینیٹ سیکرٹریٹ توں جاری اپݨے بیان اچ چیئرمین سینیٹ آکھیا جو ملک دے امن و استحکام کوں ضیان پڄاوݨ دی ہر مذموم کوشش کوں ناکام بݨایا ویسے۔ انھاں آکھیا جو اساݙی سکیورٹی فورسز تے قانون نافذ کرݨ آلے ادارے دہشت گردی مُکاوݨ تے ملک اچ امن دے قیام کیتے بے مثال قربانیاں ݙیندے پئن، تے پوری قوم انھاں دے رلے کھڑی اے۔سید یوسف رضا گیلانی حملے اچ شہید تھیوݨ آلیں دے درجات دی بلندی، زخمیاں دی وقتی تے مکمل صحت یابی کیتے دعا کیتی۔ انھاں شہداء دے لواحقین نال دلی ہمدردی تے تعزیت کریندے آکھیا جو ایں اوکھے ویلھے پوری قوم ݙکھی خانداناں دے رلے کھڑی اے۔ چیئرمین سینیٹ سید یوسف رضا گیلانی ایں عزم دا اعادہ کیتا جو دہشت گردی دے ناسور کوں منڈھوں مکاوݨ تے پاکستان دے امن و سلامتی دے تحفظ کیتے قومی سطح تے سانجھیاں کوششاں پوری قوت تے عزم دے نال جاری رکھیاں ویسن۔
