اسلام آباد۔28 جون(اے پی پی) نائب وزیرِاعظم و وزیرِ خارجہ سینیٹر محمد اسحاق ڈار یورپی یونین دی اعلیٰ نمائندہ خارجہ امور و سلامتی پالیسی کاجا کالاس نال ٹیلیفون تے ڳالھ کیتی ۔ وزارتِ خارجہ توں جاری بیان موجب ݙوہیں رہنماواں خطے اچ تکھے بدلدی ہوئی صورتحال دا جائزہ ڳھدا۔کاجا کالاس اسلام آباد مفاہمتی یادداشت دی تکمیل اچ پاکستان دی مخلصانہ سفارتی کوششاں دی تعریف کیتی تے اڄوکی جنگ بندی دی …
وزیرِخارجہ اسحاق ڈار دی یورپی یونین دی اعلیٰ نمائندہ کاجا کالاس نال ٹیلیفون تے ڳالھ مہاڑ، خطے اچ تکھے بدلدی صورتحال دا جائزہ
اسلام آباد۔28 جون(اے پی پی) نائب وزیرِاعظم و وزیرِ خارجہ سینیٹر محمد اسحاق ڈار یورپی یونین دی اعلیٰ نمائندہ خارجہ امور و سلامتی پالیسی کاجا کالاس نال ٹیلیفون تے ڳالھ کیتی ۔ وزارتِ خارجہ توں جاری بیان موجب ݙوہیں رہنماواں خطے اچ تکھے بدلدی ہوئی صورتحال دا جائزہ ڳھدا۔کاجا کالاس اسلام آباد مفاہمتی یادداشت دی تکمیل اچ پاکستان دی مخلصانہ سفارتی کوششاں دی تعریف کیتی تے اڄوکی جنگ بندی دی خلاف ورزیاں تے تشویش دا اظہار کریندے ایں ڳالھ تے زور ݙتا جو سارے فریقاں وچال رابطے تے ڳالھ مہاڑ دے ذرائع ہر صورت کھلے رہݨے چاہیدن۔ نائب وزیرِاعظم و وزیرِ خارجہ یورپی یونین دی اعلیٰ نمائندہ کوں مشرقِ وسطیٰ اچ امن تے استحکام کیتے ہک جامع فریم ورک دی تشکیل دے حوالے توں پاکستان دی مسلسل سفارتی کوششاں دا ݙسایا ۔ انھاں ایں ڳالھ تے وی زور ݙتا جو سارے فریق جنگ بندی دے معاہدے دی مکمل پاسداری کرن۔ ݙوہیں رہنماواں سانجھے رابطہ برقرار رکھݨ تے اتفاق کیتا۔
