وزیرِ اعظم شہباز شریف دا ہیلی کاپٹر حادثے اچ 14 سعودی شاہریاں دی موت تے تعزیت

اسلام آباد۔29 جون (اے پی پی) وزیرِ اعظم محمد شہباز شریف سعودی عرب دے مشرقی ساحلی علاقے راس تنورہ اچ پیش آوݨ آلے ہیلی کاپٹر دے المناک حادثے اچ 14 سعودی شاہریاں دی موت تے دلی ݙکھ تے افسوس دا اظہار کیتے۔ سنوار کوں وزیرِ اعظم محمد شہباز شریف ’’ایکس‘‘ تے آپݨے سنیھے اچ آکھیا جو او پاکستان دے عوام تے حکومت ولوں خادمِ الحرمین الشریفین شاہ سلمان بن عبدالعزیز آل سعود، ولی عہد و وزیرِ اعظم شہزادہ محمد بن سلمان، جاں بحق تھیوݨ آلے افراد دے اہلِ خانہ تے برادر ملک سعودی عرب دے عوام نال دلی تعزیت دا اظہار کریندن۔ وزیرِ اعظم آکھیا جو غم دی ایں گھڑی اچ پاکستان آپݨے سعودی بھراواں تے ٻھیݨیں دے نال مکمل یکجہتی تے ہمدردی دا اظہار کریندن۔