پاکستان افغان ناظم الامور کوں وزارتِ خارجہ اچ سݙ تے کراچی دہشت گرد حملے تے احتجاجی مراسلہ حوالے کر ݙتا

اسلام آباد۔29 جون (اے پی پی) پاکستان افغان ناظم الامور کوں وزارتِ خارجہ سݙ تے کراچی اچ دہشت گرد حملے تے سخت احتجاجی مراسلہ انھاں دے حوالے کیتے ڄݙاں جو ایں نوعیت دا ہک احتجاجی مراسلہ پاکستان دے سفیر عبید الرحمٰن نظامانی افغان وزارتِ خارجہ کوں وی پڄائے۔ وزارتِ خارجہ دے ترجمان طاہر حسین اندرابی سنوار کوں میڈیا دے سوالات دے جواب اچ ݙسایا جو پاکستان کراچی حملے اچ افغان شاہریاں، جِنھاں اچوں ہک کوں زندہ گرفتار وی کیتا ڳئے، دے ملوث ہووݨ تے افغانستان دی طالبان حکومت کوں احتجاجی مراسلہ ارسال کیتے۔ طاہر حسین اندرابی ݙسایا جو گزریل رات افغان ناظم الامور کوں وزارتِ خارجہ طلب کیتا ڳیا اتے کراچی دہشت گرد حملے تے ہک سخت احتجاجی مراسلہ (ڈیمارش) انھاں دے حوالے کیتا ڳیا۔ ایں نوعیت دا ہک احتجاجی مراسلہ پاکستان دے سفیر عبید الرحمٰن نظامانی افغان وزارتِ خارجہ کوں وی پڄائے۔ ترجمان آکھیا جو اے ڈیمارش ایں حقیقت دی بنیاد تے جاری کیتے ڳئے ہن جو ایں حملے اچ افغان شہری ملوث ہن، جِنھاں اچوں ہک کوں زندہ گرفتار وی کیتا ڳئے۔ ایں توں ہک وار ولا ثابت تھیندے جو افغان سرزمین تے افغان شہری پاکستان دے اندر دہشت گرد حملیاں دی منصوبہ بندی تے انھاں تے عمل درآمد کیتے استعمال تھیندے پئن۔