وزیرِ اعظم محمد شہباز شریف دی پاکستان ایگریکلچرل ریسرچ کونسل کوں صحیح معنیاں اچ زرعی تحقیق دا مرکز بݨاوݨ تے صوبیاں دی مشاورت نال جامع قومی زرعی پالیسی جلد از جلد مرتب کرݨ دی ہدایت

اسلام آباد۔29 جون (اے پی پی) وزیرِ اعظم محمد شہباز شریف پاکستان ایگریکلچرل ریسرچ کونسل کوں صحیح معنیاں اچ زرعی تحقیق دا مرکز بݨاوݨ تے صوبیاں دی مشاورت نال جامع قومی زرعی پالیسی جلد از جلد مرتب کرݨ دی ہدایت ݙیندیں ہوئیں آکھیا جو زرعی شعبہ پاکستان کوں پائیدار معاشی ترقی دی راہ تے ٹورݨ دی بھرپور صلاحیت رکھیندے۔ اے ڳالھیں انہاں سنوار کوں آپݨی زیرِ صدارت وزارتِ قومی غذائی تحفظ و تحقیق دی تنظیمِ نو تے زرعی شعبے اچ اصلاحات توں متعلق اہم جائزہ اجلاس نال خطاب کریندیں ہوئیں کیتا۔ وزیرِ اعظم آفس دے میڈیا ونگ توں جاری کیتے ڳئے بیان دے مطابق اجلاس اچ وفاق وزراء احسن اقبال، محمد اورنگزیب، عطا اللہ تارڑ، شزا فاطمہ خواجہ، وزیرِ مملکت برائے خزانہ بلال اظہر کیانی، معاونِ خصوصی ہارون اختر، وزیرِ اعظم دے کوآرڈینیٹر برائے زراعت احمد عمیر تے متعلقہ اداریاں دے اعلیٰ افسر شریک ہن۔ وزیرِ اعظم اجلاس نال خطاب کریندیں ہوئیں صوبیاں دی مشاورت نال جامع قومی زرعی پالیسی جلد توں جلد مرتب کرݨ تے زرعی شعبے اچ ایپکس فورم قائم کرݨ دی ہدایت کیتی۔ اے فورم ایگریکلچر انوویشن تے گروتھ پلان تے مؤثر عملدرآمد یقینی بݨاوݨ دے حوالے نال ماہانہ اجلاس منعقد کریسی۔ وزیرِ اعظم ہدایت کیتی جو زرخیز-ای زرعی قرضے پروگرام توں متعلق ملک گیر آگاہی مہم شروع کیتی ونڄے تانجو کساناں دی آسان زرعی قرضیاں تئیں رسائی ٻئی بہتر بݨائی ونڄ سڳے۔ انھاں پاکستان ایگریکلچرل ریسرچ کونسل کوں صحیح معنیاں اچ زرعی تحقیق دا مرکز بݨاوݨ دی ہدایت ݙیندیں ہوئیں آکھیا جو زرعی شعبہ پاکستان کوں پائیدار معاشی ترقی دی راہ تے ٹورݨ دی بھرپور صلاحیت رکھیندے، بہتر بیج، جدید زرعی ٹیکنالوجی، پاݨی تے کھاد دی بروقت تے مناسب فراہمی نال فی ایکڑ پیداوار ودھسی۔ وزیرِ اعظم زرعی اجناس دی ویلیو ایڈیشن، بہتر ویئر ہاؤسنگ تے جدید ذخیرہ سازی دے نظام تے توجہ ݙیوݨ دی وی ہدایت کیتی۔اجلاس اچ وزیرِ اعظم کوں زرعی شعبے اچ اصلاحات دے حوالے نال تجاویز پیش کیتی ڳئیاں۔ وزیرِ اعظم کوں بریفنگ اچ ݙسایا ڳیا جو نیشنل ایگریکلچرل ریسرچ سینٹر ولوں آزمائشی بنیاداں تے ملٹی گرین اٹے دی تیاری جاری اے، مصنوعی ذہانت (AI) تے مبنی ایپ تیار کیتی ویندی پئی اے جیڑھی کساناں کوں کیڑیاں تے فصلاں اچ بیماریاں دے مؤثر تدارک اچ مدد ݙیسی۔ بریفنگ دے مطابق نیشنل کریڈٹ گارنٹی کمپنی لمیٹڈ کساناں دی آسان قرضیاں تئیں رسائی کیتے فنڈز مہیا کریسی۔ وزیرِ اعظم کوں ݙسایا ڳیا جو نیشنل سیڈ پالیسی تے نیشنل ایگریکلچر بائیو ٹیکنالوجی پالیسی حال اچ منظور تھی ڳئن،پاکستان نیشنل اولیو (Olive) ویلیو چین پالیسی تے مشاورت مکمل تھی ڳئی اے اتے جلدی منظوری کیتے پیش کیتی ویسے ۔ کنڑک بارے قومی پالیسی، تے لائیو سٹاک توں متعلق کئی پالیسیاں تے مشاورت جاری اے۔