آئی ایس پی آر ولوں طلبا تے طالبات کیتے سمر کیمپ دا انعقاد

راولپنڈی۔15جولائی (اے پی پی) پاک فوج دے شعبہِ تعلقاتِ عامہ (آئی ایس پی آر) ولوں پاکستان بھر دے طلبا تے طالبات کیتے سمر کیمپ 2026 دا انعقاد کیتا ڳیا، آئی ایس پی آر سمر کیمپ 2026 اچ پاکستان بھر دے 18 توں ودھ اسٹیشنز توں 4 ہزار توں ودھ طلبہ تے طالبات شریک تھئے۔ آئی ایس پی آر سمر کیمپ 2026 دے تحت طلبہ دی الغزالی یونیورسٹی دے چانسلر مفتی عبدالرحیم دے نال خصوصی نشست دا اہتمام کیتا ڳیا۔ چانسلر مفتی عبدالرحیم طلبا توں خطاب کریندیں ہوئیں آکھیا جو قرآن تے سنت دی روشنی اچ ریاست تے افواجِ پاکستان دی اہمیت کوں سمجھݨا ہر شہری دی ذمہ واری اے۔ ریاستِ پاکستان دے خلاف بے بنیاد پروپیگنڈا قومی مفاد دے منافی اے، نوجوان مستند معلومات کوں ترجیح ݙیون۔ پاک فوج دی دیانت داری، نظم و ضبط، پیشہ ورانہ صلاحیت تے وطن توں وفاداری قابلِ تقلید اے۔ پاکستان دہشتگردی دے خلاف ہک فیصلہ کن جنگ لڑدا پئے، قومی اتحاد تے یکجہتی ای کامیابی دی ضمانت اے۔ انھاں آکھیا جو خوارج دین دی غلط تشریح کریندن اتے مسلماناں دے خلاف فتنہ تے فساد برپا کریندن۔