حج 2027ء تا 2030ء کیتے گھر ٻیٹھے ڈیجیٹل حج رجسٹریشن دا عمل جاری اے، وزارت مذہبی امور

اسلام آباد۔15جولائی(اے پی پی)وزارت مذہبی امور آکھیے جو حج 2027ء تا 2030ء کیتے گھر ٻیٹھے ڈیجیٹل حج رجسٹریشن دا عمل جاری اے۔ نیشنل آئی ٹی بورڈ دے ٻݨائے ڳئے حج پورٹل تے رجسٹرڈ عازمینِ حج دی تعداد سوا ترائے لکھ توں ودھ تھی ڳئی اے۔ وزارت مذہبی امور دے ترجمان موجب حج پورٹل توں 2 لکھ 83 ہزار ڄݙاں جو موبائل ایپ ’پاک حج‘ توں 43 ہزار عازمین رجسٹرڈ تھئن۔ 2 لکھ 35 ہزار افراد سرکاری سکیم ڄݙاں جو 90 ہزار افراد پرائیویٹ حج سکیم دا انتخاب کیتے۔ رجسٹرڈ عازمین اچ 1 لکھ 91 ہزار مرد ڄݙاں جو 1 لکھ 34 ہزار تریمتیں شامل ہین۔ آن لائن حج رجسٹریشن دا عمل اڳلے اعلان تئیں جاری رہسی۔ نیشنل آئی ٹی بورڈ حج واجبات دی آن لائن وصولی دا نظام وی ٻݨا ڳھدے۔ حج پیکیج دی تفصیلات تے رقوم دی وصولی دا طریقہ کار تیکھے جاری کیتا ویسی۔