آزاد جموں و کشمیر دے عوام آندے انتخابات اچ کارکردگی،ترقی تے عوامی خدمت کوں سامݨے رکھ تے آپݨا فیصلہ کریسن، دانیال چوہدری

راولپنڈی۔16جولائی (اے پی پی) وفاقی پارلیمانی سیکرٹری اطلاعات و نشریات بیرسٹر دانیال چوہدری آکھیے جو آزاد جموں و کشمیر دے عوام آندے انتخابات اچ کارکردگی، ترقی تے عوامی خدمت کوں سامݨے رکھ تے آپݨا فیصلہ کریسن تے مسلم لیگ (ن) کوں تاریخی کامیابی نال نوازݙیسن۔اِے ڳالھ انہاں آزاد جموں و کشمیر قانون ساز اسمبلی دے انتخابات دے سلسلے اچ راولپنڈی اچ مسلم لیگ (ن) دے زیرِ اہتمام منعقدہ ہک ٻہوں وݙے انتخابی اجتماع توں خطاب کریندیں آکھی۔ ایں موقع تے وفاقی وزیر ریلوے محمد حنیف عباسی، رکن قومی اسمبلی طاہرہ اورنگزیب، رکن قومی اسمبلی ملک ابرار احمد، آزاد کشمیر دے امیدوار احمد رضا قادری تے یاسین لون، سٹی صدر مسلم لیگ (ن) راولپنڈی سردار نسیم خان، سابق رکن قومی اسمبلی حاجی پرویز خان، ارکان پنجاب اسمبلی ضیاء اللہ شاہ، رفعت عباسی، اسماء ناز عباسی، شازیہ رضوان، زیب النساء، طاہرہ مشتاق، تحسین فواد، چیئرمینز، وائس چیئرمینز، مقامی قیادت تے کارکناں دی ٻہوں وݙی تعداد شرکت کیتی۔بیرسٹر دانیال چوہدری آکھیا جو آزاد کشمیر دے عوام باشعور ہن تے او ترقیاتی کماں، عوامی خدمت تے کارکردگی دی بنیاد تے ووٹ ݙیسن۔ مسلم لیگ (ن) ہمیشہ عوامی مسئلیں دے حل، تعمیر و ترقی تے خطے دی خوشحالی کیتے عملی اقدامات کیتن ڄݙاں جو مخالفین کنے عوام کوں ݙیوݨ کیتے صرف الزامات تے منفی سیاست اے۔ انھاں آکھیا جو اے انتخاب وعدیں دے بجائے کارکردگی دا انتخاب اے، عوام چنڳی طرح جاݨدن جو کیڑھی جماعت عملی طور تے خدمت کیتی تے کئیں صرف دعوے کیتے۔ مسلم لیگ (ن) دے امیدوار عوام دے اعتماد تے پورے لہسن۔ وفاقی پارلیمانی سیکرٹری کارکناں تے زور ݙتا جو او انتخابی مہم دے دوران گھر گھر رابطہ کرن، پارٹی دی کارکردگی کوں عوام تئیں پڄاون تے انتخابی مہم کوں مزید مؤثر بݨاون۔