شنگھائی۔17جولائی (اے پی پی) نائب وزیراعظم تے وزیرخارجہ اسحاق ڈار پاکستانی وفد دے رلے شنگھائی اچ منعقدہ ورلڈ آرٹیفیشل انٹیلیجنس کانفرنس 2026 دی افتتاحی تقریب اچ شرکت کیتی جیں توں چین دے صدر شی جن پنگ خطاب کیتا۔دفترِ خارجہ توں جاری بیان موجب اے تقریب گزریل رات بانی رکن ملکاں جنھاں اچ پاکستان وی شامل اے ولوں معاہدے تے دستخط دے ذریعے ورلڈ آرٹیفیشل انٹیلیجنس کوآپریشن آرگنائزیشن دے قیام دے …
نائب وزیراعظم اسحاق ڈار دی شنگھائی اچ ورلڈ آرٹیفیشل انٹیلیجنس کانفرنس دی افتتاحی تقریب اچ شرکت
شنگھائی۔17جولائی (اے پی پی) نائب وزیراعظم تے وزیرخارجہ اسحاق ڈار پاکستانی وفد دے رلے شنگھائی اچ منعقدہ ورلڈ آرٹیفیشل انٹیلیجنس کانفرنس 2026 دی افتتاحی تقریب اچ شرکت کیتی جیں توں چین دے صدر شی جن پنگ خطاب کیتا۔دفترِ خارجہ توں جاری بیان موجب اے تقریب گزریل رات بانی رکن ملکاں جنھاں اچ پاکستان وی شامل اے ولوں معاہدے تے دستخط دے ذریعے ورلڈ آرٹیفیشل انٹیلیجنس کوآپریشن آرگنائزیشن دے قیام دے بعد منعقد تھئی۔بیان اچ آکھیا ڳئے جو پاکستان جامع، منصفانہ تے شمولیتی عالمی مصنوعی ذہانت (اے آئی) گورننس، ابھردی ہوئی ٹیکنالوجیز تئیں وسیع رسائی، ترقی پذیر ملکاں کیتے استعدادِ کار اچ ودھارے تے ڈیجیٹل خلیج کوں گھٹ کرݨ کیتے بین الاقوامی تعاون دے ودھارے دی حمایت کریندے تاں جو مصنوعی ذہانت دے ثمرات دنیا دے سارے ملکاں تے عوام تئیں مساوی طور تے پُڄ سڳن
