اسلام آباد۔ 17 جولائی(اے پی پی)وفاقی وزیرِ خزانہ و محصولات، سینیٹر محمد اورنگزیب فیڈرل بورڈ آف ریونیو (ایف بی آر) دے نیشنل فیس لیس سینٹر دے نفاذ دے روڈ میپ اتے آپریشنل تیاریاں دا جائزہ گھنݨ کیتے اجلاس دی صدارت کیتی۔ اجلاس کوں منصوبے دے نفاذ دے روڈ میپ تے تفصیلی بریفنگ ݙتی ڳئی جیندے اچ پراجیکٹ مینجمنٹ یونٹ (پی ایم یو) دے قیام، گورننس دے انتظامات، ٹیکنالوجی دی ترقی، …
وفاقی وزیرِ خزانہ دی اڳواݨی اچ ایف بی آر دے نیشنل فیس لیس سینٹر دے نفاذ دے روڈ میپ اتے آپریشنل تیاریاں کیتے جائزہ اجلاس
مزید خبراں
اسلام آباد۔ 17 جولائی(اے پی پی)وفاقی وزیرِ خزانہ و محصولات، سینیٹر محمد اورنگزیب فیڈرل بورڈ آف ریونیو (ایف بی آر) دے نیشنل فیس لیس سینٹر دے نفاذ دے روڈ میپ اتے آپریشنل تیاریاں دا جائزہ گھنݨ کیتے اجلاس دی صدارت کیتی۔ اجلاس کوں منصوبے دے نفاذ دے روڈ میپ تے تفصیلی بریفنگ ݙتی ڳئی جیندے اچ پراجیکٹ مینجمنٹ یونٹ (پی ایم یو) دے قیام، گورننس دے انتظامات، ٹیکنالوجی دی ترقی، آپریشنل تیاریاں اتے مرحلہ وار نفاذ دی حکمتِ عملی دا ݙسایا۔ شرکاء پری پائلٹ، پائلٹ اتے مکمل نفاذ دے مراحل کیتے طے کیتے ڳئے اہم اہداف وی پیش کیتن تاں جو منصوبے کوں ویلے سر مکمل کیتا ونڃ سڳے۔ اجلاس اچ نویں آپریٹنگ ماڈل کیتے تیار کیتے ڳئے گورننس فریم ورک دا وی جائزہ گھدا ڳیا جیندے اچ منصوبے دی نگرانی، رسک مینجمنٹ تے نفاذ دی مانیٹرنگ دے ادارہ جاتی انتظامات شامل ہن۔ شرکاء رسک انجن دی تیاری اتے قواعد و ضوابط دی بنیاد تے کیساں دے انتخاب دے نظام اچ تھیوݨ والی پیشرفت دا وی ݙسایا۔ اجلاس اچ نیشنل فیس لیس سینٹر کیتے ٹیکنالوجی دی ترقی، کاروباری تقاضیاں، ڈیجیٹل انفراسٹرکچر اتے سسٹم انٹیگریشن تے تھیوݨ والی پیشرفت دا وی جائزہ گھدا ڳیا۔
