آئی ایس پی آر دے زیرِاہتمام پاکستان بھر دے طلبا و طالبات کیتے سمرکیمپ 2026 دا انعقاد

اسلام آباد۔18جولائی (اے پی پی) آئی ایس پی آر سمر کیمپ 2026 اچ پاکستان بھر دے 18 توں ودھ اسٹیشنز توں 4 ہزار توں ودھ طلبہ و طالبات شریک تھئن۔سابق سینیٹر تے تجزیہ کار جاوید جبار دی آئی ایس پی آر سمر کیمپ 2026 دے شرکا نال خصوصی نشست تھئی۔ خصوصی نشست دے دوران پاکستانیت تے تحریکِ آزادی دے موضوع تے خصوصی ڳالھ مہاڑ کیتی ڳئی۔ سابق سینیٹر تے تجزیہ کار جاوید جبار شرکا توں خطاب کریندیں آکھݨ ہئی جو قیامِ پاکستان دنیا دی تاریخ دا ہک منفرد واقعہ ہئی، جو قائدِ اعظم دی بصیرت، ثابت قدمی تے سیاسی حکمتِ عملی پاروں ممکن تھیا، محدود وسائل دے باوجود پاکستان دی غیور قوم عزم تے قربانی توں ہک مضبوط ریاست دی بنیاد رکھی۔سابق سینیٹر جاوید جبار آکھیا جو پاکستان دی تہذیبی و تاریخی شناخت نہ صرف وادیِ سندھ بلکہ مہرڳڑھ جہیڑی ہزاراں سال قدیم تہذیباں تئیں کھنڈی ہوئی اے، پاکستانی قوم ذہانت، ہمدردی، مہمان نوازی، رواداری تے منفرد قومی شناخت پاروں دنیا اچ نمایاں مقام رکھیندی اے۔ مسئلہ کشمیر تے ڳالھ کریندیں سابق سینیٹر جاوید جبار آکھیا جو پاکستان ہمیشہ کشمیری عوام دے حقِ خودارادیت دی اصولی تے مستقل حمایت کیتی اے، پاک فوج دے افسران جواناں دے رلے اڳلے مورچیں تے لڑدے ہن تے افسراں دی شرحِ شہادت دنیا دیاں افواج اچ ساریں توں زیادہ اے۔ آئی ایس پی آر دا سمر کیمپ نوجواناں اچ قومی شعور، مثبت اقدار تے صلاحیتاں کوں نکھارݨ کیتے ہک اہم ترین پیشرفت اے