آزاد کشمیر قانون ساز اسمبلی دے آندے انتخابات اچ مسلم لیگ (ن) راولپنڈی توں مہاجرین دیاں ترائے نشستاں تے کامیابی حاصل کرتے اے فتح قائد محمد نواز شریف دے ناں کریسی، بیرسٹر دانیال چوہدری

راولپنڈی۔18جولائی (اے پی پی) وفاقی پارلیمانی سیکرٹری اطلاعات و نشریات بیرسٹر دانیال چوہدری آکھیے جو آزاد کشمیر قانون ساز اسمبلی دے آندے انتخابات اچ مسلم لیگ (ن) راولپنڈی توں مہاجرین دیاں ترائے نشستاں تے کامیابی حاصل کرتے اے فتح قائد محمد نواز شریف دے ناں کریسی۔اِے ڳالھ انھاں راولپنڈی اچ آزاد کشمیر قانون ساز اسمبلی دی مہاجرین نشست دے امیدوار احمد رضا قادری دے انتخابی دفتر دے افتتاح دے موقع تے منعقدہ تقریب توں خطاب کریندیں آکھی۔ تقریب اچ سینئر صوبائی وزیر مریم اورنگزیب، رکنِ قومی اسمبلی طاہرہ اورنگزیب، سابق میئر راولپنڈی سردار نسیم خان، ارکانِ صوبائی اسمبلی راجہ محمد حنیف، ضیاء اللہ شاہ، ملک افتخار، زیب النسا اعوان سودھے مسلم لیگ (ن) دے رہنماواں، کارکناں تے شہریاں دی ٻہوں وݙی تعداد شرکت کیتی۔بیرسٹر دانیال چوہدری آکھیا جو کشمیری عوام محبِ وطن، باوقار تے پاکستان نال گھاٹی جڑت رکھݨ آلے لوک ہن جنھاں ہر اوکھے ویلھے وطنِ عزیز دے نال آپݨی لازوال محبت، یکجہتی تے قربانی دے جذبے دا مظاہرہ کیتے۔ ایہا جذبہ پاکستان تے آزاد کشمیر دے مضبوط رشتے دی بنیاد اے۔ وفاقی پارلیمانی سیکرٹری آکھیا جو مسلم لیگ (ن) دے دورِ حکومت اچ آزاد کشمیر اچ سڑکاں، بنیادی ڈھانچے، تعلیم، صحت تے عوامی فلاح دے شعبیں اچ نمایاں ترقیاتی منصوبے مکمل کیتے ڳئے، جنھاں دے ثمرات اڄ وی عوام تئیں پڄدے پئن۔ انھاں آکھیا جو مسلم لیگ (ن) ہمیشہ عملی کارکردگی، عوامی خدمت تے ترقی دی سیاست تے یقین رکھیندی اے تے اڳوں وی آزاد کشمیر دے عوام دی توقعات تے پورا لہݨ کیتے کردار ادا کریندی رہسی۔