پاکستان دی انفارمیشن کمیونیکیشن ٹیکنالوجی دی برآمدات ملکی تاریخ دی اُچی سطح تے پڄ ڳئن، وفاقی وزیر انفارمیشن ٹیکنالوجی شزا فاطمہ خواجہ

اسلام آباد۔18جولائی(اے پی پی) وفاقی وزیر انفارمیشن ٹیکنالوجی شزا فاطمہ خواجہ آکھیے جو پاکستان دی انفارمیشن کمیونیکیشن ٹیکنالوجی (آئی سی ٹی) دی برآمدات ملکی تاریخ دی اُچی سطح تے پڄ ڳئن۔سماجی رابطے دی ویب سائٹ ایکس تے آپݨی ہک پوسٹ اچ وفاقی وزیر آکھیا جو مالی سال 25-2024 دے مقابلے اچ گزریل مالی سال 26-2025 دے دوران آئی سی ٹی دی برآمدات اچ 21 فیصد دا نمایاں ودھارا تھیا تے برآمدات دا حجم 4.6 ارب ڈالر دی ریکارڈ سطح تئیں پڄ ڳئے۔ انھاں آکھیا جو جون 2025 دے مقابلے اچ جون 2026 دے دوران برآمدات اچ 23 فیصد دا ودھارا تھیا تے ایں دوران برآمدات دی مالیت 416 ملین ڈالر تئیں پڄ ڳئی۔شزا فاطمہ خواجہ آکھیا جو مالی سال 25-2024 دے مقابلے اچ گزریل مالی سال 26-2025 دے دوران آئی سی ٹی دے ٹریڈ سرپلس اچ 18 فیصد دا ودھارا تھیا تے گزریل مالی سال دے دوران شعبے دا ٹریڈ سرپلس 3.9 ارب ڈالر ریکارڈ کیتا ڳئے۔ وفاقی وزیر آکھیا جو آئی سی ٹی دی برآمدات اچ تاریخ دا بلند ترین ودھارا تے اے کامیابی ساݙے فری لانسرز، سٹارٹ اپس، آئی ٹی کمپنیاں تے وزیراعظم محمد شہباز شریف دی قیادت اچ حکومتِ پاکستان دی سرمایہ کاری تے پائیدار ترقی کیتے سازگار ݙیوݨ دا اجتماعی نتیجہ اے۔