وزیرخارجہ اسحاق ڈار دی زیر صدارت پری کونسل آف کامن انٹرسٹس کمیٹی دا اجلاس

اسلام آباد۔18جولائی (اے پی پی) نائب وزیراعظم تے وزیرخارجہ سینیٹر محمد اسحاق ڈار اتھاں پری کونسل آف کامن انٹرسٹس کمیٹی دے اجلاس دی صدارت کیتی۔ نائب وزیراعظم دے آفس توں جاری بیان دے مطابق وزیراعظم تے چیئرمین مشترکہ مفاد کونسل ولوں تشکیل ݙتی ڳئی کمیٹی مشترکہ مفاد کونسل (سی سی آئی) دے 53 ویں اجلاس توں پہلے اسلام آباد اچ نائب وزیراعظم دے دفتر اچ ہک تیاری اجلاس منعقد کیتا۔تفصیلی غور دے بعد کمیٹی وزیراعظم تے چیئرمین سی سی آئی کوں سفارش کیتی جو کونسل دا آندا اجلاس اگست 2026 اچ منعقد کیتا ونڄے۔ نائب وزیراعظم ایں عزم دا اعادہ کیتا جو حکومت دی مشترکہ ترجیح تعاون تے مبنی وفاق نظام کوں مزید مضبوط بݨاوݨ، وفاق تے صوبیں وچال مؤثر ہم آہنگی کوں ودھارا ݙیوݨ تے ایجھے فیصلیں کوں اڳوں ودھاوݨ اے جیڑھے قومی مفاد دے تحفظ تے ودھارے دا باعث ہوون۔اجلاس اچ وفاقی وزیر منصوبہ بندی، وفاقی وزیر بین الصوبائی رابطہ، وزیراعظم دے معاونِ خصوصی طارق باجوہ، کابینہ ڈویژن، مشترکہ مفادات کونسل، منصوبہ بندی، پیٹرولیم، آبی وسائل، توانائی، صحت، سمندر پار پاکستانی و انسانی وسائل دی ترقی دے سیکریٹریز تے ٻئے متعلقہ حکام و شراکت داراں شرکت کیتی