اسلام آباد۔18جولائی (اے پی پی) نائب وزیراعظم تے وزیرخارجہ اسحاق ڈار نال کویت دے وزیر خارجہ شیخ جراح جابر الاحمد الصباح ٹیلی فون تے رابطہ کیتا۔ ݙوہیں وزرائے خارجہ خطے دی تازہ ترین صورتحال تے ڳالھ مہاڑ کیتی ۔ دفتر خارجہ توں جاری بیان موجب کویتی وزیرخارجہ شیخ جراح آپݨے ملک دی سرزمین تے جاری حملیں تے شدید تشویش دا اظہار کریندیں امید ظاہر کیتی جو سارے فریق تحمل دا …
وزیرخارجہ اسحاق ڈار نال کویتی ہم منصب شیخ جراح جابر الاحمد الصباح دا ٹیلی فون تے رابطہ، خطے دی صورتحال تے ڳالھ مہاڑ
مزید خبراں
اسلام آباد۔18جولائی (اے پی پی) نائب وزیراعظم تے وزیرخارجہ اسحاق ڈار نال کویت دے وزیر خارجہ شیخ جراح جابر الاحمد الصباح ٹیلی فون تے رابطہ کیتا۔ ݙوہیں وزرائے خارجہ خطے دی تازہ ترین صورتحال تے ڳالھ مہاڑ کیتی ۔ دفتر خارجہ توں جاری بیان موجب کویتی وزیرخارجہ شیخ جراح آپݨے ملک دی سرزمین تے جاری حملیں تے شدید تشویش دا اظہار کریندیں امید ظاہر کیتی جو سارے فریق تحمل دا مظاہرہ کریسن تے اسلام آباد مفاہمتی یادداشت تے مکمل عملدرآمد یقینی بݨایا ویسی۔شیخ جراح خطے اچ مذاکرات دے ودھارے تے استحکام کیتے پاکستان دے تعمیری تے ثالثی تے مبنی کردار دی تعریف کیتی ۔نائب وزیراعظم و وزیر خارجہ اسحاق ڈار فوری کشیدگی اچ کمی دی لوڑھ تے زور ݙیندیں سارے ملکاں دی خودمختاری تے علاقائی سالمیت دے احترام دی اہمیت اجاگر کیتی۔ انھاں آکھیا جو خطے اچ امن و سلامتی دا قیام اولین ترجیح ہووݨا چاہیدے۔ انھاں اسلام آباد مفاہمتی یادداشت دے تحت جنگ بندی متعلق وعدیں دی پاسداری تے ایجھی کہیں وی کارروائی توں گریز تے وی زور ݙتا جیڑھی کشیدگی اچ مزید ودھارے دا باعث بݨے۔ڳالھ مہاڑ دے چھیکڑ تے ݙوہیں رہنماواں سانجھی دلچسپی دے امور تے نیڑے رابطے اچ رہݨ تے اتفاق کیتا
