پنجاب دے دریاواں اچ ہݨ پاݨی نارمل اے، 24 جولائی تئیں ودھݨ دا ݙراِے، ترجمان پی ڈی ایم اے

لاہور۔20جولائی (اے پی پی) پروانشل ڈیزاسٹر مینجمنٹ اتھارٹی (پی ڈی ایم اے) آکھیے جو پنجاب دے ٻہوں سارے دریاواں اچ پاݨی نارمل وہندا پئے ، 24 جولائی تئیں پاݨی دی صورتحال ودھݨ دا ݙر اے۔ ترجمان پی ڈی ایم اے موجب دریائے چناب اچ خانکی تے قادر آباد دی جاہ تے تلویں درجے دی چھل دی صورتحال اے، خانکی اچ پاݨی 1 لکھ 25 ہزار تے اخراج 1 لکھ 17 ہزار کیوسک اے، قادر آباد اچ پاݨی 1 لکھ 16 ہزار تے اخراج 1 لکھ 27 ہزار کیوسک اے۔مرالہ، تریموں تے پنجند تے پاݨی نارمل وہندا ہئے ڄݙاں جو دریائے راوی اچ جسڑ، شاہدرہ، ہیڈ سدھنائی تے بلوکی اچ پاݨی دا وہݨ نارمل اے۔ دریائے ستلج اچ گنڈا سنگھ والا، سلیمانکی تے ہیڈ اسلام اچ پاݨی دا وہݨ نارمل اے۔ ڈیرہ غازی خان رودکوہیاں اچ پاݨی دا وہݨ نارمل اے۔ دریائے سندھ اچ تربیلا، تونسہ، کالاباغ تے چشمہ دی جاہ تے پاݨی نارمل سطح تے ہے۔ترجمان موجب 24 جولائی تئیں پنجاب دے دریاواں اچ پاݨی دی صورتحال اچ ودھݨ دا ݙر اے ۔ دریائے راوی تے چناب نال ملحقہ نالیں جئیں اچ بسنتر، ڈیک، ایک، پلکھو، بھمبر، ہلسی تے ڈورا شامل ہن، اچ وی چھل دی وارننگ جاری کیتی ڳئی اے۔ ڈیرہ غازی خان دے رود کوہیاں اچ فلیش فلڈنگ دی وی وارننگ اے ڄݙاں جو لاہور، گوجرانوالہ، سیالکوٹ، سرگودھا، اوکاڑہ، ساہیوال، بہاولنگر تے راولپنڈی ڈویژن اچ اربن فلڈنگ دا  تھی سڳدی اے