اسلام آباد۔20جولائی (اے پی پی) وزیراعظم محمد شہباز شریف سپین کوں فیفا ورلڈ کپ 2026 اچ شاندار کامیابی تے مبارخ ݙیندیں آکھیے جو سپین دی قومی ٹیم پورے ٹورنامنٹ دے دوران غیر معمولی مہارت، اتحاد، نظم و ضبط تے بہترین ٹیم ورک دا مظاہرہ کیتا۔’ایکس‘‘ تے آپݨے پیغام اچ وزیراعظم محمد شہباز شریف آکھیا جو او امریکا دے صدر ڈونلڈ ٹرمپ تے امریکی عوام کوں فیفا ورلڈ کپ دے کامیاب …
وزیراعظم شہباز شریف دی سپین کوں فیفا ورلڈ کپ اچ شاندار کامیابی تے مبارخ
اسلام آباد۔20جولائی (اے پی پی) وزیراعظم محمد شہباز شریف سپین کوں فیفا ورلڈ کپ 2026 اچ شاندار کامیابی تے مبارخ ݙیندیں آکھیے جو سپین دی قومی ٹیم پورے ٹورنامنٹ دے دوران غیر معمولی مہارت، اتحاد، نظم و ضبط تے بہترین ٹیم ورک دا مظاہرہ کیتا۔’ایکس‘‘ تے آپݨے پیغام اچ وزیراعظم محمد شہباز شریف آکھیا جو او امریکا دے صدر ڈونلڈ ٹرمپ تے امریکی عوام کوں فیفا ورلڈ کپ دے کامیاب انعقاد تے بہترین میزبانی تے مبارخ ݙیندن۔انھاں میکسیکو تے کینیڈا دی حکومتاں تے عوام کوں وی فیفا ورلڈ کپ دی مشترکہ میزبانی اچ انھاں دی مثالی شراکت تے عمدہ انتظامات تے خراجِ تحسین پیش کیتا۔ وزیراعظم آکھیا جو او فیفا دے صدر جیانی انفانٹینو تے پوری فیفا ٹیم کوں ایں وݙےعالمی ایونٹ دے کامیاب انعقاد تے مبارخ ݙیندن جیں بلاشبہ فٹبال کوں ہک عالمی کھیݙ دے طور تے مزید تکڑا مقام عطا کیتے۔انھاں آکھیا جو ہک واری ول فیفا ورلڈ کپ اساکوں اے یاد ݙیوائے جو کھیݙ ہک عالمگیر زبان اے، جیہڑی سرحداں توں بالاتر تھی تے انسانیت کوں ہک ٻئے نال جوڑیندی اے۔ انھاں دعا کیتی جو دوستی، اتحاد تے سانجھے احترام دا ایہو جذبہ فیفا ورلڈ کپ دی چھیکڑی سیٹی وڄݨ دے بعد وی دنیا دی رہنمائی کریندا رہے
