اسلام آباد۔20جولائی(اے پی پی)صدرِ مملکت آصف علی زرداری برطانیہ دے نو منتخب وزیراعظم اینڈی برنہم کوں وزارتِ عظمیٰ دا منصب سنبھالݨ تے مبارک ݙتی اے۔ ایکس تے آپݨے سنیہے اچ صدرِ مملکت امید کیتی جو وزیراعظم اینڈی برنہم دی قیادت اچ پاکستان اتے برطانیہ وچال پراݨی ݙوطرفہ شراکت داری ٻئی تکڑی تھیسی اتے باہمی دلچسپی دے شعبیاں اچ تعاون کوں ٻیا ودھایا ویسی۔ صدر آصف علی زرداری مکالمے، سفارت کاری …
صدرِ مملکت آصف علی زرداری دی برطانیہ دے نو منتخب وزیراعظم اینڈی برنہم کوں وزارتِ عظمیٰ دا منصب سنبھالݨ تے مبارک
مزید خبراں
اسلام آباد۔20جولائی(اے پی پی)صدرِ مملکت آصف علی زرداری برطانیہ دے نو منتخب وزیراعظم اینڈی برنہم کوں وزارتِ عظمیٰ دا منصب سنبھالݨ تے مبارک ݙتی اے۔ ایکس تے آپݨے سنیہے اچ صدرِ مملکت امید کیتی جو وزیراعظم اینڈی برنہم دی قیادت اچ پاکستان اتے برطانیہ وچال پراݨی ݙوطرفہ شراکت داری ٻئی تکڑی تھیسی اتے باہمی دلچسپی دے شعبیاں اچ تعاون کوں ٻیا ودھایا ویسی۔ صدر آصف علی زرداری مکالمے، سفارت کاری اتے تنازعات دے پرامن حل کیتے پاکستان دے غیرمتزلزل عزم کوں دوہریندے آکھیا جو فروری دے آخر توں دنیا بالخصوص خلیجی خطہ ہک ہنگامہ خیز دور توں گزردا پئے اتے پاکستان کئی ٻھرا ملکاں دے تعاون نال امن دے ودھارے اچ آپݨا موثر کردار ادا کیتے۔ صدرِ مملکت امید کیتی جو وزیراعظم اینڈی برنہم دی قیادت اچ برطانیہ وی موجودہ کشیدگی اتے دشمنیاں مکاوݨ، جنگ بندی دے قیام اتے اسلام آباد مفاہمتی یادداشت دو ولݨ کیتے آپݨا مثبت کردار ادا کریسی۔ صدر آصف علی زرداری وزیراعظم اینڈی برنہم کیتے انھاں دیاں نویاں ذمہ داریاں اچ کامیابی کیتے نیک خواہشات پچیندے آکھیا جو او پاکستان اتے برطانیہ وچال دیرپا اتے مضبوط تعلقات کوں ٻیا ودھاوݨ کیتے انھاں نال رل تے کم کرݨ چاہندن۔
