ملاقات اچ نائب وزیراعظم و وزیر خارجہ سینیٹر محمد اسحاق ڈار، وفاقی وزیر داخلہ سید محسن رضا نقوی، وفاقی وزیر اطلاعات و نشریات عطاء اللہ تارڑ، وزیراعظم دے مشیر ڈاکٹر سید توقیر شاہ، وزیر مملکت برائے داخلہ طلال چودھری اتے اعلیٰ حکام وی موجود ہن۔ وزیراعظم شہباز شریف اپݨے دورہ تہران دا ݙسیندے مرحوم سپریم لیڈر آیت اللہ سید علی خامنہ ای دے جنازے اچ شرکت تے ایرانی قیادت کیتے …
وزیراعظم محمد شہباز شریف نال ایران دے وزیر داخلہ اسکندر مومنی دی ملاقات
ملاقات اچ نائب وزیراعظم و وزیر خارجہ سینیٹر محمد اسحاق ڈار، وفاقی وزیر داخلہ سید محسن رضا نقوی، وفاقی وزیر اطلاعات و نشریات عطاء اللہ تارڑ، وزیراعظم دے مشیر ڈاکٹر سید توقیر شاہ، وزیر مملکت برائے داخلہ طلال چودھری اتے اعلیٰ حکام وی موجود ہن۔ وزیراعظم شہباز شریف اپݨے دورہ تہران دا ݙسیندے مرحوم سپریم لیڈر آیت اللہ سید علی خامنہ ای دے جنازے اچ شرکت تے ایرانی قیادت کیتے نیک تمناواں پچائن۔ وزیراعظم خلیج اچ کشیدگی تے چنتا کریندے سارے فریقاں تے زور ݙتے جو او صبر ݙکھاون اتے خطے کوں ٻیا عدم استحکام ٻݨاوݨ دے اقدامات توں گریز کرن۔ انھاں آکھیا جو پاکستان ہک دیانتدار اتے مخلص ثالث و سہولت کار دے طور تے آپݨا کردار جاری رکھسی اتے خطے اچ امن و استحکام کیتے کوششاں کریندا رہسی۔ ایرانی وزیر داخلہ اسکندر مومنی اسلام آباد اچ پرتپاک استقبال تے وزیراعظم دا شکریہ ادا کیتے اتے ایرانی قیادت ولوں نیک خواہشات پچائن۔ انہاں آکھیا جو او ݙوہیں ملکاں دے تعلقات کوں ٻیا مضبوط بݨاوݨ کیتے اعلیٰ سرکاری حکام تے مشتمل وفد نال پاکستان آئن۔ انھاں وزیراعظم شہباز شریف، نائب وزیراعظم اسحاق ڈار اتے فیلڈ مارشل سید عاصم منیر دی ثالثی دیاں کوششاں کوں سراہیا ڄئیں پاروں اسلام آباد مفاہمتی یادداشت طے پائی۔
