منیلا۔22جولائی (اے پی پی) نائب وزیراعظم تے وزیرخارجہ سینیٹر محمد اسحاق ڈار منیلا اچ 33 ویں آسیان ریجنل فورم (اے آر ایف) دے وزارتی اجلاس دے موقع تے بنگلہ دیش دے وزیر خارجہ تے اقوامِ متحدہ دی جنرل اسمبلی دے 81 ویں اجلاس دے نویں منتخب صدر خلیل الرحمٰن نال ملاقات کیتی۔ دفترِ خارجہ موجب ݙوہیں رہنماواں پاکستان تے بنگلہ دیش وچال تعلقات دی مثبت پیش رفت دا جائزہ ڳھدا …
نائب وزیراعظم محمد اسحاق ڈاردی منیلا اچ بنگلہ دیش دے وزیر خارجہ خلیل الرحمٰن نال ملاقات
مزید خبراں
منیلا۔22جولائی (اے پی پی) نائب وزیراعظم تے وزیرخارجہ سینیٹر محمد اسحاق ڈار منیلا اچ 33 ویں آسیان ریجنل فورم (اے آر ایف) دے وزارتی اجلاس دے موقع تے بنگلہ دیش دے وزیر خارجہ تے اقوامِ متحدہ دی جنرل اسمبلی دے 81 ویں اجلاس دے نویں منتخب صدر خلیل الرحمٰن نال ملاقات کیتی۔ دفترِ خارجہ موجب ݙوہیں رہنماواں پاکستان تے بنگلہ دیش وچال تعلقات دی مثبت پیش رفت دا جائزہ ڳھدا تے گزریل سال نائب وزیراعظم دے بنگلہ دیش دے دورے توں ݙوطرفہ تعلقات کوں ملݨ آلی نویں رفتار دی تعریف کیتی ۔ انھاں ݙوپاسے رابطے تکڑے بݨاوݨ دے سانجھے عزم دا اعادہ کیتا۔ انھاں ݙوہیں ملکاں وچال ودھدے رابطے بشمول عوامی سطح تے ودھدے تبادلیں تے اڄوکے سال براہِ راست پروازاں دے آغاز دے بعد بہتر تھیوݨ آلے رابطے دا خیرمقدم کیتا تے ایں مثبت پیش رفت کوں برقرار رکھݨ تے اتفاق کیتا۔ ݙوہیں رہنماواں سانجھی دلچسپی دے علاقائی تے بین الاقوامی امور تے وی ڳالھ مہاڑ کیتی۔
