اسلام آباد۔22جولائی (اے پی پی) اسلامی جمہوریہ ایران دے وزیر داخلہ اسکندر مومنی آکھیے جو ایران خصوصاً ارلی وارننگ سسٹمز، پیشگی ڈیزاسٹر مینجمنٹ، ادارہ جاتی رابطہ کاری تے ڈیزاسٹر رسک اچ کمی کیتے جدید ٹیکنالوجی دے استعمال دے شعبیں اچ پاکستان دے تجربیں توں فیدہ چاوݨ چاہندے ، ݙوہیں ہمسایہ ملکاں وچال تعاون تے معلومات دے تبادلے کوں ودھارا ݙیوݨ نال قدرتی آفتاں تے موسمیاتی تبدیلی پاروں سامݨے آندے خطرات …
ایران ڈیزاسٹر مینجمنٹ دے شعبے اچ پاکستان دے تجربیں توں فیدہ چاوݨ چاہندے، ایرانی دے وزیر داخلہ اسکندر مومنی
مزید خبراں
اسلام آباد۔22جولائی (اے پی پی) اسلامی جمہوریہ ایران دے وزیر داخلہ اسکندر مومنی آکھیے جو ایران خصوصاً ارلی وارننگ سسٹمز، پیشگی ڈیزاسٹر مینجمنٹ، ادارہ جاتی رابطہ کاری تے ڈیزاسٹر رسک اچ کمی کیتے جدید ٹیکنالوجی دے استعمال دے شعبیں اچ پاکستان دے تجربیں توں فیدہ چاوݨ چاہندے ، ݙوہیں ہمسایہ ملکاں وچال تعاون تے معلومات دے تبادلے کوں ودھارا ݙیوݨ نال قدرتی آفتاں تے موسمیاتی تبدیلی پاروں سامݨے آندے خطرات نال نبڑݨ کیتے خطے دی مجموعی استعداد اچ ودھارا تھیسی ۔این ڈی ایم اے توں جاری بیان موجب اسلامی جمہوریہ ایران دے وزیر داخلہ اسکندر مومنی دی قیادت اچ ہک اعلیٰ سطحی ایرانی وفد وزیر مملکت داخلہ طلال چوہدری تے پاکستان اچ ایران دے سفیر ڈاکٹر رضا امیری مقدم دے رلے نیشنل ڈیزاسٹر مینجمنٹ اتھارٹی (این ڈی ایم اے) دے ہیڈکوارٹرز اچ قائم نیشنل ایمرجنسیز آپریشنز سینٹر دا دورہ کیتا۔این ڈی ایم اے دی ٹیم وفد کوں نیشنل ایمرجنسیز آپریشنز سینٹر دی جدید صلاحیتاں دا ݙسیندے پاکستان اچ ول ول آوݨ آلی قدرتی آفتاں دے خطرے اچ کمی کیتے اختیار کیتے ڳئے فعال ڈیزاسٹر مینجمنٹ نظام تے تفصیلی بریفنگ ݙتی۔ چیئرمین این ڈی ایم اے لیفٹیننٹ جنرل انعام حیدر ملک علاقائی تعاون دے ودھارے تے عالمی سطح تے ڈیزاسٹر رسک ریڈکشن دے نویں وژن دے حوالے نال این ڈی ایم اے دے اقدامات دا ݙسایا ۔ وفد کوں اڄوکے سالاں اچ این ڈی ایم اے دی نمایاں کامیابیاں تے آندے مرحلے اچ جدید ترین ٹیکنالوجیز دے حصول دے منصوبیں دا وی ݙسایا ڳیا جنھاں دا مقصد مستند ڈیزاسٹر ارلی وارننگ (ڈی ای ڈبلیو) نظام قائم کرݨ تے امدادی اداریں و وسائل ݙیوݨ آلے اداریں وچال موثر تے مربوط کارروائی کوں یقینی بݨاوݨا اے۔وفد کوں قومی تے سکیورٹی قیادت دے نال این ڈی ایم اے دے منظم رابطہ کار، صوبائی و ضلعی حکومتاں کیتے رہنمائی دے فریم ورک تے عالمی جامعات، انسانی ہمدردی دے اداریں تے امدادی شراکت داریں دے نال جدید رابطے بارے تفصیلی بریفنگ ݙتی ڳئی۔ ایرانی وفد این ڈی ایم اے پاکستان دے جدید، موثر تے اعلیٰ معیار دے ڈیزاسٹر مینجمنٹ نظام تے ایں دی صلاحیتاں دی تعریف کریندے پاکستان تے ایران وچال آفتاں نال نبڑݨ تے ہنگامی ردعمل دے شعبیں اچ مسلسل تعاون کوں مزید ودھارا ݙیوݨ دی خواہش دا اظہار کیتا۔ ملاقات دے دوران ایران دے وزیر داخلہ اسکندر مومنی پاکستان دے ڈیزاسٹر رسک مینجمنٹ تے ہنگامی تیاری دے نظام اچ تھیوݨ آلی نمایاں پیش رفت دی تعریف کیتی ۔ انھاں آکھیا جو ایران خصوصاً ارلی وارننگ سسٹمز، پیشگی ڈیزاسٹر مینجمنٹ، ادارہ جاتی رابطہ کاری تے ڈیزاسٹر رسک اچ کمی کیتے جدید ٹیکنالوجی دے استعمال دے شعبیں اچ پاکستان دے تجربیں توں فیدہ چاوݨ چاہندے ۔ انھاں ایں ڳالھ تے زور ݙتا جو ݙوہیں ہمسایہ ملکاں وچال تعاون تے علم دے تبادلے کوں ودھارا ݙیوݨ نال قدرتی آفتاں تے موسمیاتی تبدیلی پاروں پیدا تھیوݨ آلے خطرے نال نبڑݨ کیتے خطے دی مجموعی استعداد اچ نمایاں ودھارا تھیسی ۔ ݙوہیں ملک ایں امر تے اتفاق کیتا جو موسمیاتی تبدیلی تے اوکھی نوعیت دی آفتاں توں پیدا تھیوݨ آلے نویں خطرے نال موثر انداز اچ نبڑݨ کیتے ادارہ جاتی رابطے کوں مزید تکڑا بݨایا ویسی تے سانجھے تعاون کوں ودھارا ݙتا ویسی۔
