واشنگٹن ڈی سی۔23جولائی(اے پی پی)وفاقی وزیرخزانہ و محصولات محمداورنگزیب واشنگٹن ڈی سی اچ امریکی ایگزم بنک (ایکسپورٹ۔امپورٹ بنک آف یونائیٹڈ سٹیٹس) دے صدر تے چیئرمین جان جوانووک نال ملاقات کیتی، ملاقات اچ پاکستان تے امریکا وچال اقتصادی تے تجارتی تعاون دے ودھارے تے ڳالھ مہاڑ کیتی ڳئی۔وزارتِ خزانہ توں جاری بیان موجب ملاقات اچ طویل مدتی منصوبیں کیتے مالی وسائل ݙیوݨ تے کپاہ، سویا بین تے ہائیڈروکاربن سودھے ٻہوں سارے …
وفاقی وزیرخزانہ محمد اورنگزیب دی امریکی ایگزم بنک دے صدر و چیئرمین نال ملاقات
مزید خبراں
واشنگٹن ڈی سی۔23جولائی(اے پی پی)وفاقی وزیرخزانہ و محصولات محمداورنگزیب واشنگٹن ڈی سی اچ امریکی ایگزم بنک (ایکسپورٹ۔امپورٹ بنک آف یونائیٹڈ سٹیٹس) دے صدر تے چیئرمین جان جوانووک نال ملاقات کیتی، ملاقات اچ پاکستان تے امریکا وچال اقتصادی تے تجارتی تعاون دے ودھارے تے ڳالھ مہاڑ کیتی ڳئی۔وزارتِ خزانہ توں جاری بیان موجب ملاقات اچ طویل مدتی منصوبیں کیتے مالی وسائل ݙیوݨ تے کپاہ، سویا بین تے ہائیڈروکاربن سودھے ٻہوں سارے زرعی اجناس اچ تجارت دے ودھارے تے خصوصی ڳالھ مہاڑ کیتی ڳئی۔ وزیرخزانہ ایگزم بنک دی طرفوں ترجیحی منصوبیں دے حوالے نال فریم ورک تشکیل ݙتے ونڄݨ دی تجویز، کثیر سالہ لین دین دے نظام تے امریکی فنانسنگ، ٹیکنالوجی، آلات تے سروسز دے ودھارے اچ سہولت کاری دی تعریف کیتی۔ فریقاں نیڑےالمدت ٹرانزیکشنز، فوکل پرسنز تعینات کرݨ تے سٹریٹجک فریم ورک کوں وقتی حتمی شکل ݙیوݨ تے اتفاق کیتا تے ستمبر 2026 اچ اقوامِ متحدہ دی جنرل اسمبلی دے اجلاس دے دوران سٹریٹجک فریم ورک تے باقاعدہ دستخط کیتے ونڄݨ دی امید دا اظہار کیتا
