اسلام آباد۔23جولائی (اے پی پی) نائب وزیراعظم تے وزیرخارجہ سینیٹر محمد اسحاق ڈار منیلا اچ آسیان ریجنل فورم 2026 دے موقع تے اومان دے وزیر خارجہ سید بدر بن حمد البوسعیدی نال ملاقات کیتی۔ دفترِ خارجہ توں جاری بیان موجب ݙوہیں رہنماواں ݙوطرفہ تعاون دی مثبت پیش رفت تے اطمینان دا اظہار کیتا۔انھاں اعلیٰ سطح دے تبادلیں، تجارت تے سرمایہ کاری دے ودھارے، عوامی رابطے، کاروباری برادری وچال مضبوط رابطے …
نائب وزیراعظم تے وزیر خارجہ اسحاق ڈار دی اومان دے وزیر خارجہ سید بدر بن حمد البوسعیدی نال ملاقات
مزید خبراں
اسلام آباد۔23جولائی (اے پی پی) نائب وزیراعظم تے وزیرخارجہ سینیٹر محمد اسحاق ڈار منیلا اچ آسیان ریجنل فورم 2026 دے موقع تے اومان دے وزیر خارجہ سید بدر بن حمد البوسعیدی نال ملاقات کیتی۔ دفترِ خارجہ توں جاری بیان موجب ݙوہیں رہنماواں ݙوطرفہ تعاون دی مثبت پیش رفت تے اطمینان دا اظہار کیتا۔انھاں اعلیٰ سطح دے تبادلیں، تجارت تے سرمایہ کاری دے ودھارے، عوامی رابطے، کاروباری برادری وچال مضبوط رابطے تے کثیرالجہتی فورمز تے مسلسل رابطہ دے ذریعے باہمی تعاون کوں مزید مستحکم بݨاوݨ تے اتفاق کیتا۔ ݙوہیں رہنماواں خطے تے دنیا دی تازہ ترین صورتحال تے وی ڳالھ کیتی۔ اومان دے وزیر خارجہ ڳالھ مہاڑ دے ودھارے، کشیدگی اچ کمی، تے خطے اچ امن تے سلامتی دے قیام کیتے پاکستان دے تعمیری کردار دی تعریف کیتی۔ فریقاں خطے اچ اڄوکی پیش رفت تے تشویش دا اظہار کریندیں جنگ بندی برقرار رکھݨ، بین الاقوامی قانون دا احترام کرݨ تے خطے اچ پائیدار امن تے استحکام کیتے مشترکہ کوششاں دی اہمیت تے زور ݙتا۔ ݙوہیں رہنماواں نیڑے رابطے اچ رہݨ تے وی اتفاق کیتا۔
