منیلا۔23جولائی (اے پی پی) نائب وزیراعظم تے وزیر خارجہ سینیٹر محمد اسحاق ڈار منیلا اچ آسیان ریجنل فورم دے موقع تے برطانیہ دے وزیر برائے خارجہ، دولتِ مشترکہ و ترقیاتی امور ایڈ ملی بینڈ نال ملاقات کیتی۔دفترِ خارجہ موجب نائب وزیراعظم ایڈ ملی بینڈ کوں انھاں دی تقرری تے مبارخ ݙیندیں انھاں دی نویں ذمہ واریاں کیتے نیک تمناؤاں دا اظہار کیتا۔ ݙوہیں رہنماواں پاکستان تے برطانیہ وچال پراݨی شراکت …
محمد اسحاق ڈار دی ایڈ ملی بینڈ نال منیلا اچ آسیان ریجنل فورم دے موقع تے ملاقات، پاک برطانیہ شراکت داری تے علاقائی امن تے ڳالھ مہاڑ
مزید خبراں
منیلا۔23جولائی (اے پی پی) نائب وزیراعظم تے وزیر خارجہ سینیٹر محمد اسحاق ڈار منیلا اچ آسیان ریجنل فورم دے موقع تے برطانیہ دے وزیر برائے خارجہ، دولتِ مشترکہ و ترقیاتی امور ایڈ ملی بینڈ نال ملاقات کیتی۔دفترِ خارجہ موجب نائب وزیراعظم ایڈ ملی بینڈ کوں انھاں دی تقرری تے مبارخ ݙیندیں انھاں دی نویں ذمہ واریاں کیتے نیک تمناؤاں دا اظہار کیتا۔ ݙوہیں رہنماواں پاکستان تے برطانیہ وچال پراݨی شراکت داری کوں مزید تکڑا بݨاوݨ دے مشترکہ عزم دا اعادہ کیتا۔ وزیر خارجہ ایڈ ملی بینڈ برطانیہ اچ رہݨ آلی پاکستانی کمیونٹی دی قیمتی خدمات تے ݙوہیں ملکاں دے تعلقات کوں مزید مستحکم بݨاوݨ اچ انھاں دے کرداردی تعریف کیتی۔ملاقات دے دوران علاقائی تے بین الاقوامی صورتحال بالخصوص خطے دی سکیورٹی دی صورتحال تے ڳالھ مہاڑ کیتی ڳئی۔ وزیرخارجہ ایڈ ملی بینڈ اڄوکی امریکا۔ایران کشیدگی دے دوران ڳالھ مہاڑ دے ودھارے تے کشیدگی گھٹاوݨ کیتے پاکستان دی مسلسل کوششاں دی تعریف کیتی ۔ ݙوہیں فریقاں خطے اچ اڄوکی کشیدگی تے تشویش کریندیں ایں ڳالھ تے زور ݙتا جو پائیدار امن تے استحکام کیتے مسلسل ڳالھ مہاڑموثر سفارت کاری تے مستقل سفارتی کوششاں ناگزیرہن۔
