نائب وزیراعظم اسحاق ڈار دی آسیان ریجنل فورم دے 33 ویں وزارتی اجلاس اچ شرکت، آسیان تے اے آر ایف دی کامیاب صدارت تے فلپائن کوں مبارخ ݙتی

منیلا۔23جولائی (اے پی پی) نائب وزیراعظم تے وزیر خارجہ سینیٹر محمد اسحاق ڈار منیلا اچ آسیان ریجنل فورم (اے آر ایف) دے 33 ویں وزارتی اجلاس اچ شرکت کیتی۔دفترِ خارجہ موجب نائب وزیراعظم آسیان تے اے آر ایف دی کامیاب صدارت تے فلپائن کوں مبارخ ݙیندے امن، مذاکرات تے کثیرالجہتی تعاون کیتے پاکستان دے غیر متزلزل عزم دا اعادہ کیتا۔ عالمی سطح تے ودھدی غیر یقینی صورتحال دے تناظر اچ انھاں آکھیا جو دیرپا امن دے قیام کیتے سفارت کاری ہی واحد پائیدارراستہ اے۔وزارتی اجلاس دے دوران نائب وزیراعظم اہم علاقائی تے عالمی صورتحال تے پاکستان دا مؤقف پیش کیتا۔ انھاں ایران تے امریکا وچال جنگ دے دوران مذاکرات تے کشیدگی اچ کمی دے ودھارے کیتے پاکستان دے تعمیری کردار کوں اجاگر کیتا۔ نائب وزیراعظم ایں ڳالھ دا اعادہ کیتا جو جنوبی ایشیا اچ پائیدار امن دا انحصار اقوامِ متحدہ دی سلامتی کونسل دی قرارداداں موجب جھیڑا جموں و کشمیر دے منصفانہ حل تے ہے۔ انھاں ایں امر تے وی زور ݙتا جو سندھ طاس معاہدے کوں علاقائی امن تے استحکام دے بنیادی ستون دے طور تے برقرار رکھݨ ٻہوں اہم اے۔