اسلام آباد۔23جولائی(اے پی پی)وزیراعظم محمد شہباز شریف نال چینی کمپنی فیمسن دے چیف ایگزیکٹو افسر جیک چین اپݨے وفد دے نال ملین۔ وزیراعظم وفد دا پاکستان آوݨ تے خیرمقدم کریندے آکھیا جو پاکستان اتے چین دے تعلقات ویلھے نال ٻئے تکڑے تھیندے پئن اتے بزنس ٹو بزنس شراکت داری نال اے سنڳت ٻئی ڳھاٹی تھیسی۔ وزیراعظم چینی کمپنی دا پاکستان اچ اجناس دے سٹوریج دے مراکز کوں سٹیٹ آف آرٹ …
وزیراعظم شہباز شریف نال چینی کمپنی فیمسن دے چیف ایگزیکٹو افسر جیک چین اتے وفد دی ملاقات
اسلام آباد۔23جولائی(اے پی پی)وزیراعظم محمد شہباز شریف نال چینی کمپنی فیمسن دے چیف ایگزیکٹو افسر جیک چین اپݨے وفد دے نال ملین۔ وزیراعظم وفد دا پاکستان آوݨ تے خیرمقدم کریندے آکھیا جو پاکستان اتے چین دے تعلقات ویلھے نال ٻئے تکڑے تھیندے پئن اتے بزنس ٹو بزنس شراکت داری نال اے سنڳت ٻئی ڳھاٹی تھیسی۔ وزیراعظم چینی کمپنی دا پاکستان اچ اجناس دے سٹوریج دے مراکز کوں سٹیٹ آف آرٹ مراکز اچ تبدیل کرݨ دے منصوبے دا خیرمقدم کریندے آکھیا جو ایں منصوبے نال ملک اچ زراعت دے سیکٹر اچ جدید ترین ٹیکنالوجی آسی اتے تجارتی سرگرمیاں کوں فروغ ملسی۔ وزیراعظم ہدایت کیتی جو پاکستان دی ہنرمند اتے تربیت یافتہ افرادی قوت توں انھاں منصوبیاں اچ استفادہ کیتا ونڄے۔ جیک چین پاکستان اچ پرتپاک میزبانی تے وزیراعظم اتے حکومت دا شکریہ ادا کریندے آکھیا جو فیمسن پاکستان اچ غذائی تحفظ دے حوالے نال بہتر سٹوریج مراکز، ٹیکنالوجی ٹرانسفر اتے تربیت ݙیوݨ چاہندی اے۔ وزیراعظم کوں ݙسایا ڳیا جو فیمسن پاکستان اچ گرین سائلوز دے قیام سانڳے ڈیمانسٹریشن سینٹر ٻݨیسی، سٹوریج سینٹرز کوں جدید گرین سائلوز اچ بدلیا ویسی، ایں سانڳے فیمسن اتے گرین پاکستان انیشئیٹو وچال مفاہمتی یادداشت تے دستخط تھی چکین۔ ملاقات اچ وفاقی وزیر قومی غذائی تحفظ رانا تنویر حسین، وفاقی وزیر تجارت جام کمال خان، وزیر مملکت برائے خزانہ و ریلوے بلال اظہر کیانی، معاونِ خصوصی ہارون اختر اتے متعلقہ اعلیٰ سرکاری افسران وی موجود ہن۔
