نیب ترامیم دے بعد سارے نیب مقدمے وفاقی آئینی عدالت سݨسی، سپریم کورٹ دا فیصلہ

اسلام آباد۔24جولائی (اے پی پی) سپریم کورٹ نیب قانون اچ ترامیم دے بعد عدالتی دائرہ اختیار متعلق اہم مقدمے دا محفوظ شدہ فیصلہ سݨیندیں قرار ݙتے جو نیب متعلق سارے مقدمیں ہݨ وفاقی آئینی عدالت اچ سݨئے ویسن۔جسٹس محمد علی مظہر مختصر فیصلہ عدالت اچ پڑھ تے سݨایا۔ فیصلے اچ آکھیا ڳئے جو نیب قانون اچ ترامیم دے بعد سپریم کورٹ ہݨ نیب مقدمے دی سماعت دا اختیار نی رکھیندی، لہٰذا نیب متعلق سارے مقدمے وفاقی آئینی عدالت کوں منتقل تھی چکئن۔عدالت اپݨے فیصلے اچ قرار ݙتے جو آئین دے آرٹیکل 175 تے قومی احتساب آرڈیننس دے سیکشن 32 تے 32 اے دے تحت وفاقی آئینی عدالت ہی ایجھے مقدمات دی سماعت دی مجاز فورم اے۔ سپریم کورٹ ایں معاملے اچ قومی احتساب بیورو (نیب) تے وفاقی حکومت دا موقف درست قرار ݙیندیں درخواستاں کوں وفاقی آئینی عدالت دے دائرۂ اختیار اچ قرار ݙتا۔ واضح رہے جو عدالت فریقین دے تفصیلی دلائل سݨݨ دے بعد 16 جولائی کوں فیصلہ محفوظ کیتا ہئی، جیڑھا اڄ سݨا ݙتا ڳئے۔