سکیورٹی فورسز دی بلوچستان اچ مستونگ دے علاقے کھڈ کوچہ اچ کامیاب کارروائی، فتنہ الہندوستان دے 4 دہشت گرد جہنم واصل، ٻہوں زخمی

راولپنڈی۔24جولائی (اے پی پی) سکیورٹی فورسز دی بلوچستان اچ مستونگ دے علاقے کھڈ کوچہ اچ کامیاب کارروائی دے دوران فتنہ الہندوستان دے 4 دہشت گرد جہنم واصل تے ٻہوں سارے دہشت گرد زخمی تھی ڳئن۔سکیورٹی ذرائع موجب سکیورٹی فورسز دی انٹیلی جنس بیسڈ آپریشن العزم دے تحت بلوچستان اچ دہشت گردی دے خلاف بھرپور تے مؤثر کارروائیاں جاری ہن۔ سکیورٹی فورسز بلوچستان اچ مستونگ دے علاقے کھڈ کوچہ اچ کامیاب کارروائی دے دوران فتنہ الہندوستان دے 4 دہشت گرد جہنم واصل کرݙتے۔ کامیاب آپریشن دے دوران ہلاک دہشت گرداں توں باری مقدار اچ اسلحہ تے گولہ بارود وی برآمد تھیا۔ سکیورٹی فورسز دہشت گرداں دے زیرِ استعمال موٹر سائیکلاں کوں وی ضبط کر ڳھدا۔سکیورٹی ذرائع موجب سکیورٹی فورسز دی موثر کارروائی اچ فتنہ الہندوستان دے دہشت گرداں دے زخمی ہووݨ دی وی مصدقہ اطلاعات ہن۔ سکیورٹی فورسز دی کارروائی دے دوران دہشت گرداں دی سہولت کاری اچ ملوث مشتبہ لوکاں کوں گرفتار وی کر ڳھدا ڳئے۔آپریشن دے دوران علاقے اچ سرچ تے کلیئرنس کارروائیاں جاری ہن، سکیورٹی فورسز دی طرفوں مکمل نگرانی برقرار اے۔ اڄوکے ݙینہاں اچ مستونگ دے علاقے کھڈ کوچہ اچ دہشت گرداں دی مذموم کارروائیاں دے بعد سکیورٹی فورسز دی طرفوں انٹیلی جنس بیسڈ آپریشن تکھے کرݙتے ڳئن۔سکیورٹی ذرائع آکھیا جو دہشت گردی مکاوݨ تے خطے اچ امن و امان دے قیام تئیں سکیورٹی فورسز دی کارروائیاں مسلسل جاری رہسن۔