پاکستان موسمیاتی تبدیلیاں نال نبڑݨ کیتے تعمیری عالمی موسمیاتی سفارت کاری تے بین الاقوامی تعاون دے ودھارے کیتے پُرعزم اے، ڈاکٹر مصدق ملک

شاماخی، آذربائیجان۔24جولائی(اے پی پی وفاقی وزیر موسمیاتی تبدیلی و ماحولیاتی ہم آہنگی ڈاکٹر مصدق ملک آکھیا جو پاکستان موسمیاتی تبدیلی نال نبڑݨ کیتے تعمیری عالمی موسمیاتی سفارت کاری تے بین الاقوامی تعاون دے ودھارے کیتے پُرعزم اے۔وزارتِ موسمیاتی تبدیلی موجب انھاں اے ڳالھ آذربائیجان دے شہر شاماخی اچ آئندہ اقوامِ متحدہ دی موسمیاتی کانفرنس (کوپ 31) دی تیاریاں دے سلسلے اچ منعقدہ ہیڈز آف ڈیلیگیشنز ریٹریٹ اچ شرکت تے مختلف ملکاں دے اعلیٰ حکام نال ملاقاتاں دے دوران آکھی۔ ریٹریٹ دے دوران شریک ملکاں دے نمائندگان کوپ 31 دی ترجیحات، ایجنڈے تے اہم امور تے ڳالھ کیتی ۔ ریٹریٹ آئندہ اقوامِ متحدہ دی موسمیاتی کانفرنس کوپ 31 دی تیاریاں دے سلسلے اچ منعقد کیتا ڳیا، جو نومبر 2026ء اچ ترکیہ دے شہر انطالیہ اچ منعقد تھیسی۔ریٹریٹ دے موقع تے وفاقی وزیر ڈاکٹر مصدق ملک آذربائیجان دے نائب وزیر خارجہ یلچن رفییف، ترکیہ دی نائب وزیر ماحولیات، شہری آبادکاری و موسمیاتی تبدیلی فاطمہ ورنک تے کینیا دی وزارتِ ماحولیات، موسمیاتی تبدیلی و جنگلات دی کابینہ سیکریٹری ڈاکٹر ڈیبورا ایم باراسا نال ملاقاتاں کیتیاں۔ کینیا دے وفد نال ملاقات دے دوران ڈاکٹر مصدق ملک مارگلہ ہلز نیشنل پارک کیتے ہک نویں وژن دی تشکیل تے اسلام آباد وائلڈ لائف مینجمنٹ بورڈ دی نویں سروں فعالیت تے تفصیلی ڳالھ کیتی۔ ایں ضمن اچ نیروبی نیشنل پارک دے تجربے تے ماڈل توں فیدہ چاوݨ تے وی غور کیتا ڳیا۔ ݙوہئیں ملکاں جنگلی حیات تے محفوظ علاقیں دے انتظام و تحفظ دے شعبے اچ ادارہ جاتی تعاون تے بہترین عالمی طریقہ کار توں فیدے کیتے ایم او یو دے پاسے پیشرفت تے اتفاق کیتا۔آذربائیجان دے نائب وزیرخارجہ مسٹر یلچن رفییف نال ملاقات دے دوران ڈاکٹر مصدق ملک موسمیاتی سفارت کاری دے مستقبل تے کوپ 31 دے ایجنڈے دی ترجیحات تے ڳالھ کیتی تعاون تکڑا بݨاوݨ تے اتفاق کیتا ڳیا۔ وفاقی وزیر وزیراعظم پاکستان دی طرفوں صدرِ آذربائیجان تے خاتونِ اول کیتے نیک خواہشات تے تہنیتی جذبات پُڄائے۔ آذربائیجان دے نائب وزیر خارجہ وی پاکستان دی قیادت تے عوام کیتے نیک خواہشات دا اظہار کیتا۔ڈاکٹر مصدق ملک ترکیہ دی نائب وزیر ماحولیات، شہری آبادکاری و موسمیاتی تبدیلی فاطمہ ورنک نال وی ملاقات کیتی، جیں اچ موسمیاتی اقدامات دے ودھارے کیتے پاکستان تے ترکیہ وچال تعاون تے ڳالھ مہاڑ کیتی۔