اسلام آباد۔24جولائی (اے پی پی) نائب وزیراعظم تے وزیرِ خارجہ سینیٹر محمد اسحاق ڈار کرغزستان دے شہر چولپون آتا اچ شنگھائی تعاون تنظیم (ایس سی او) دے وزرائے خارجہ کونسل دے اجلاس دے موقع تے ایران دے وزیرِ خارجہ سید عباس عراقچی نال ملاقات کیتی۔دفترِ خارجہ موجب ݙوہیں وزرائے خارجہ پاکستان تے ایران دے وچال نیڑے تے پراݨے تعلقات دا اعادہ کریندیں خطے دی بدلدی ہوئی صورتحال دا جائزہ ڳھدا۔ …
نائب وزیراعظم محمد اسحاق ڈار دی شنگھائی تعاون تنظیم دے وزرائے خارجہ کونسل دے اجلاس دے موقع تے ایران دے وزیرِ خارجہ نال ملاقات
مزید خبراں
اسلام آباد۔24جولائی (اے پی پی) نائب وزیراعظم تے وزیرِ خارجہ سینیٹر محمد اسحاق ڈار کرغزستان دے شہر چولپون آتا اچ شنگھائی تعاون تنظیم (ایس سی او) دے وزرائے خارجہ کونسل دے اجلاس دے موقع تے ایران دے وزیرِ خارجہ سید عباس عراقچی نال ملاقات کیتی۔دفترِ خارجہ موجب ݙوہیں وزرائے خارجہ پاکستان تے ایران دے وچال نیڑے تے پراݨے تعلقات دا اعادہ کریندیں خطے دی بدلدی ہوئی صورتحال دا جائزہ ڳھدا۔ نائب وزیراعظم اڄوکی علاقائی کشیدگی تے تشویش دا اظہار کریندیں ایں ڳالھ تے زور ݙتا جو دیرپا امن تے استحکام دے قیام کیتے سارے فریقاں دی طرفوں مذاکرات، تحمل، کشیدگی اچ کمی تے مسلسل سفارتی رابطے ناگزیر ہن۔ انھاں جون 2026ء دے اسلام آباد مفاہمتی یادداشت دے تحت طے پاوݨ آلی مفاہمتاں تے عملدرآمد کوں اڳوں ودھاوݨ دی لوڑھ تے وی زور ݙتا۔وزیرِ خارجہ سید عباس عراقچی علاقائی امن و سلامتی دے ودھارے کیتے پاکستان دی مسلسل سفارتی حمایت تے تعمیری کوششاں دی تعریف کیتی ۔ انھاں ایرانی ماہی گیراں تے عملے دے ارکان بشمول امریکی حکام دی طرفوں روکئے ڳئے جہازاں دے عملے دی محفوظ وطن واپسی اچ پاکستان دے تعاون تے وی شکریہ ادا کیتا۔ انھاں ایران، امریکہ تے ٻئے متعلقہ حکام دے نال نیڑے رابطہ دے ذریعے انھاں لوکاں دی پاکستان دے رستے محفوظ آونڄ تے ایران واپسی کوں یقینی بݨاوݨ اچ پاکستان دے کردار دی تعریف کیتی۔ فریقین سانجھی دلچسپی دے امور تے نیڑے رابطہ تے باقاعدہ مشاورت جاری رکھݨ تے اتفاق کیتا تے خطے اچ امن، استحکام تے سانجھی خوشحالی دے ودھارے کیتے رل تے کم کرݨ دے اپݨے عزم دا اعادہ کیتا
