نائب وزیراعظم اسحاق ڈار دی کرغزستان اچ شنگھائی تعاون تنظیم دی وزرائے خارجہ کونسل دے اجلاس اچ شرکت

اسلام آباد۔24جولائی(اے پی پی)نائب وزیراعظم و وزیرِ خارجہ سینیٹر محمد اسحاق ڈار کرغزستان دے شہر چولپون آتا اچ شنگھائی تعاون تنظیم (ایس سی او) دی وزرائے خارجہ کونسل دے اجلاس اچ شرکت کیتی۔ انھاں کرغزستان دی قیادت اتے وزیرِ خارجہ ژین بیک کولو بایف دا شاندار مہمان نوازی اتے ایس سی او وزرائے خارجہ کونسل دے اجلاس دے بہترین انتظامات تے شکریہ ادا کیتے۔ نائب وزیراعظم شنگھائی تعاون تنظیم دے قیام دی 25 ویں سالگرہ تے مبارک ݙتی اتے خطے اچ امن، سلامتی، خوشحالی اتے پائیدار ترقی دے ودھارے کیتے تنظیم دے اہم کردار کوں اڳونہا کیتے۔ انھاں ’’شنگھائی سپرٹ‘‘ نال پاکستان دا عزم دوہریندے ایس سی او دے رکن ملکاں وچال تعاون، روابط اتے مشترکہ ترقی کوں اڳو تے ودھاوݨ دا عزم کیتے۔ نائب وزیراعظم علاقائی امن کیتے پاکستان دیاں سفارتی کوششاں خاص کر اسلام آباد مذاکرات اتے بعد اچ تھیوݨ والے اسلام آباد مفاہمتی یادداشت دا زکر کیتا۔ انھاں اپݨے ہم منصباں دا شکریہ ادا کیتے جِنھاں خطے اتے ایں توں ٻاہرو امن و استحکام ودھاوݨ کیتے پاکستان دیاں مخلصانہ کوششاں کوں سراہے اتے منیے۔ نائب وزیراعظم ستمبر 2026ء اچ ایس سی او دی کونسل آف ہیڈز آف سٹیٹ دی چیئرمین شپ سنبھالݨ کیتے پاکستان دی آمادگی دا ݙسایا اتے 2027ء اچ تھیوݨ والے ایس سی او سربراہانِ مملکت اجلاس اچ شرکت کیتے سارے رکن ممالک کوں پاکستان آوݨ دی دعوت ݙتی۔