اسلام آباد۔25جولائی(اے پی پی)نائب وزیراعظم و وزیرِ خارجہ سینیٹر محمد اسحاق ڈار کرغزستان اچ شنگھائی تعاون تنظیم دے وزرائے خارجہ کونسل دے اجلاس دے موقع تے قازقستان دے ہم منصب (نائب وزیراعظم تے وزیرِ خارجہ) یرمیک کوشیربایف نال ملین اتے انہاں نال تجارت، سرمایہ کاری، ٹرانسپورٹ، علاقائی روابط، توانائی، عوامی روابط اتے کثیرالجہتی فورمز تے تعاون ودھاوݨ دے معاملیاں تے الائے۔ ݙوہائیں رہنماواں ایں سال دے شروع اچ قازقستان دے …
نائب وزیراعظم دی قازقستان دے ہم منصب نال ملاقات
اسلام آباد۔25جولائی(اے پی پی)نائب وزیراعظم و وزیرِ خارجہ سینیٹر محمد اسحاق ڈار کرغزستان اچ شنگھائی تعاون تنظیم دے وزرائے خارجہ کونسل دے اجلاس دے موقع تے قازقستان دے ہم منصب (نائب وزیراعظم تے وزیرِ خارجہ) یرمیک کوشیربایف نال ملین اتے انہاں نال تجارت، سرمایہ کاری، ٹرانسپورٹ، علاقائی روابط، توانائی، عوامی روابط اتے کثیرالجہتی فورمز تے تعاون ودھاوݨ دے معاملیاں تے الائے۔ ݙوہائیں رہنماواں ایں سال دے شروع اچ قازقستان دے صدر قاسم جومارت توقایف دے پاکستان دے دورے دے بعد پاکستان-قازقستان تعلقات اچ آوݨ والی مثبت پیش رفت دا جائزہ گھدا اتے عزم دوہرایا جو ایں دورے اچ طے تھیوݨ آلیاں مفاہمتاں جیندے اچ دستخط شدہ 37 مفاہمتی یادداشتاں وی شامل ہن، تے موثر عملدرآمد کیتا ویسی۔ فریقین تجارت، سرمایہ کاری، ٹرانسپورٹ، علاقائی روابط، توانائی، عوامی روابط تے کثیرالجہتی فورمز تے تعاون ودھاوݨ تے اتفاق کیتے۔ وزیرِ خارجہ یرمیک کوشیربایف خطے اچ امن اتے سفارت کاری سانڳے پاکستان دیاں کوششاں دی تعریف کیتی۔ فریقین علاقائی اتے عالمی صورتحال تے وی ڳالھ مہاڑ کیتی۔ وزیرِ خارجہ یرمیک کوشیربایف نائب وزیراعظم تے وزیرِ خارجہ سینیٹر محمد اسحاق ڈار کوں قازقستان دے دورے دی دعوت ݙتی جیہڑی انہاں قبول کر ڳھدی۔
