اسلام آباد۔25جولائی(اے پی پی)نائب وزیراعظم و وزیرِ خارجہ سینیٹر محمد اسحاق ڈار کرغزستان دے شہر چولپون آتا اچ ازبکستان دے وزیرِ خارجہ بختیار سعیدوف نال ملاقات کیتی اتے مختلف شعبیاں اچ تعاون تے پیش رفت تے الائے۔ ݙوہائیں رہنماواں پاکستان اتے ازبکستان وچال سٹریٹجک شراکت داری مضبوط بݨاوݨ دا عزم دوہریندے تجارت، سرمایہ کاری، علاقائی روابط، توانائی، ثقافت تے عوامی سطح تے روابط سودھا مختلف شعبیان اچ تعاون ودھاوݨ دا …
نائب وزیراعظم دی ازبکستان دے وزیرِ خارجہ نال ملاقات
اسلام آباد۔25جولائی(اے پی پی)نائب وزیراعظم و وزیرِ خارجہ سینیٹر محمد اسحاق ڈار کرغزستان دے شہر چولپون آتا اچ ازبکستان دے وزیرِ خارجہ بختیار سعیدوف نال ملاقات کیتی اتے مختلف شعبیاں اچ تعاون تے پیش رفت تے الائے۔ ݙوہائیں رہنماواں پاکستان اتے ازبکستان وچال سٹریٹجک شراکت داری مضبوط بݨاوݨ دا عزم دوہریندے تجارت، سرمایہ کاری، علاقائی روابط، توانائی، ثقافت تے عوامی سطح تے روابط سودھا مختلف شعبیان اچ تعاون ودھاوݨ دا جائزہ ڳھدا۔ انہاں ݙوہاں ممالک دی کاروباری برادریاں دا تعاون ودھاوݨ تے زور ݙتے تاں جو اقتصادی تعلقات ٻئے تکڑے کیتے ونڄ سڳن۔ انہاں علاقائی تے کثیرالجہتی فورمز تے تعاون دے مختلف پہلواں تے الائے۔ فریقین علاقائی اتے عالمی صورتحال تے وی ڳالھ کیتی۔ وزیرِ خارجہ بختیار سعیدوف خطے اچ امن تے استحکام سانڳے پاکستان دی سفارتی کوششاں خاص کر اسلام آباد مفاہمتی یادداشت ممکن بݨاوݨ تے کردار دی تعریف کیتی۔
