اسلام آباد۔25جولائی (اے پی پی) چین ایران اتے امریکہ وچال مفاہمتی یادداشت کیتے پاکستان دی ثالثی اتے سفارتی کوششاں دی تعریف کریندے ایں سانڳے اسلام آباد دے کردار دی بھرپور حمایت دا یقین ݙیوائے۔ اے یقین چینی وزیرِ خارجہ وانگ یی اتے پاکستان دے نائب وزیراعظم و وزیرِ خارجہ سینیٹر اسحاق ڈار دی شنگھائی تعاون تنظیم دے وزرائے خارجہ دے اجلاس ویلھے تھیوݨ والی ملاقات اچ کیتا ڳیا۔ نائب وزیرِ …
چین دی ایران اتے امریکہ وچال مفاہمتی یادداشت کیتے پاکستان دی ثالثی اتے سفارتی کوششاں دی تعریف
اسلام آباد۔25جولائی (اے پی پی) چین ایران اتے امریکہ وچال مفاہمتی یادداشت کیتے پاکستان دی ثالثی اتے سفارتی کوششاں دی تعریف کریندے ایں سانڳے اسلام آباد دے کردار دی بھرپور حمایت دا یقین ݙیوائے۔ اے یقین چینی وزیرِ خارجہ وانگ یی اتے پاکستان دے نائب وزیراعظم و وزیرِ خارجہ سینیٹر اسحاق ڈار دی شنگھائی تعاون تنظیم دے وزرائے خارجہ دے اجلاس ویلھے تھیوݨ والی ملاقات اچ کیتا ڳیا۔ نائب وزیرِ اعظم و وزیرِ خارجہ سینیٹر محمد اسحاق ڈار سماجی رابطے دی ویب سائٹ ایکس تے چائنا گلوبل ٹیلی ویژن نیٹ ورک دی رپورٹ شیئر کیتی۔ رپورٹ دے مطابق ملاقات اچ ݙوہائیں رہنماواں مختلف شعبیاں اچ ݙوطرفہ تعاون ٻیا ودھاوݨ اتے علاقائی و عالمی امور تے باہمی رابطہ اتے ہم آہنگی ودھاوݨ تے اتفاق کیتے۔ ایںدے علاوہ کثیرالجہتی فورمز تے مشترکہ تعاون کوں وی ٻیا مضبوط بݨاوݨ دا عزم دوہرایا ڳیا۔ ایں موقع تے سینیٹر محمد اسحاق ڈار آکھیا جو پاکستان خطے اچ امن ودھاوݨ اتے تنازعات دے پرامن حل کیتے اپݨیاں ثالثی دیاں کوششاں جاری رکھسی۔ انھاں چین نال قریبی تعاون دے ذریعے علاقائی امن، استحکام اتے ترقی دے مشترکہ اہداف دے حصول دا عزم وی دوہرایا۔
