کوئٹہ۔ 25 جولائی(اے پی پی)وفاقی وزیرِ داخلہ محسن نقوی کوئٹہ دا دورہ کیتے جتھاں انھاں وزیراعلیٰ بلوچستان میر سرفراز بگٹی نال ملاقات کیتی۔ ملاقات دے بعد وفاقی وزیرِ داخلہ محسن نقوی اتے وزیراعلیٰ بلوچستان میر سرفراز بگٹی دی صدارت اچ بلوچستان اچ امن و امان سانڳے اعلیٰ سطح دا اجلاس تھیا۔ اجلاس اچ وزیراعلیٰ بلوچستان صوبے دی مجموعی امن و امان دی صورتحال، جاری اقدامات اتے آئندہ حکمتِ عملی تے …
وفاقی وزیر داخلہ محسن نقوی دی وزیر داخلہ بلوچستان سرفراز بگٹی نال ملاقات، دہشتگردی دے خلاف اقدامات تیز کرݨ تے اتفاق
کوئٹہ۔ 25 جولائی(اے پی پی)وفاقی وزیرِ داخلہ محسن نقوی کوئٹہ دا دورہ کیتے جتھاں انھاں وزیراعلیٰ بلوچستان میر سرفراز بگٹی نال ملاقات کیتی۔ ملاقات دے بعد وفاقی وزیرِ داخلہ محسن نقوی اتے وزیراعلیٰ بلوچستان میر سرفراز بگٹی دی صدارت اچ بلوچستان اچ امن و امان سانڳے اعلیٰ سطح دا اجلاس تھیا۔ اجلاس اچ وزیراعلیٰ بلوچستان صوبے دی مجموعی امن و امان دی صورتحال، جاری اقدامات اتے آئندہ حکمتِ عملی تے تفصیلی بریفنگ ݙتی۔ اجلاس اچ بلوچستان اچ انسدادِ دہشت گردی فورس اتے پولیس دی پیشہ ورانہ استعدادِ کار بہتر بݨاوݨ دا فیصلہ کیتا ڳیا۔ ایں موقع تے صوبائی پولیس کوں مضبوط بݨاوݨ دے فیصلاں تے عملدرآمد تیز کرݨ تے وی اتفاق تھیا۔ وزارتِ داخلہ ضروری وسائل ݙیوݨ کیتے مکمل تعاون دا یقین ݙیوایا اتے آکھیا جو بحالیِ امن دے ماسٹر پلان تے فوری اتے موثر عملدرآمد ݙاݙھا ضروری اے، وفاق اتے بلوچستان حکومت امن سانڳے مکمل یکجہتی نال کم کریندے پئن، بلوچستان اچ پائیدار امن کیتے وفاقی حکومت ہر ممکن تعاون جاری رکھسی۔
