اسلام آباد۔26جولائی(اے پی پی)وفاقی وزیرِ داخلہ محسن نقوی تربت اچ فرنٹیئر کور بلوچستان (ساؤتھ) ہیڈ کوارٹرز دا دورہ کیتے۔ وفاقی وزیرِ داخلہ محسن نقوی ایف سی دے جدید ترین ہسپتال دا افتتاح کیتے، ڈاکٹرز، نرسز اتے پیرامیڈیکس نال ملئن اتے ݙکھی انسانیت دی ودھ خدمت دی تلقین کیتی۔ انھاں او پی ڈی، مختلف وارڈز، ایم آر آئی، سی ٹی سکین رومز اتے آپریشن تھیٹر دا معائنہ کیتا۔ وفاقی وزیرِ داخلہ …
وزیر داخلہ محسن نقوی تربت اچ ایف سی دے جدید ترین ہسپتال دا افتتاح کر ݙتے
اسلام آباد۔26جولائی(اے پی پی)وفاقی وزیرِ داخلہ محسن نقوی تربت اچ فرنٹیئر کور بلوچستان (ساؤتھ) ہیڈ کوارٹرز دا دورہ کیتے۔ وفاقی وزیرِ داخلہ محسن نقوی ایف سی دے جدید ترین ہسپتال دا افتتاح کیتے، ڈاکٹرز، نرسز اتے پیرامیڈیکس نال ملئن اتے ݙکھی انسانیت دی ودھ خدمت دی تلقین کیتی۔ انھاں او پی ڈی، مختلف وارڈز، ایم آر آئی، سی ٹی سکین رومز اتے آپریشن تھیٹر دا معائنہ کیتا۔ وفاقی وزیرِ داخلہ جدید ہسپتال کوں مختصر مدت اچ مکمل کرݨ تے آئی جی ایف سی بلوچستان (ساؤتھ) اتے انھاں دی ٹیم دی کارکردگی کوں سراہا۔ محسن نقوی دا آکھݨ ہئی جو ایف سی ہسپتال کوں اتنا تیکھے فنکشنل ݙیکھ تے بہت خوشی تھئی اے، تربت اچ علاج معالجے دی جدید سہولیات نال آراستہ ہسپتال دی وݙی لوڑھ ہئی، تربت دی مقامی آبادی کوں وی علاج معالجے دی اے بہترین سہولت ملسی۔ وزیرِ داخلہ کوں ایف سی ہسپتال اچ طبی سہولیات تے بریفنگ ݙتی ڳئی۔ وزیرِ داخلہ محسن نقوی ایف سی بلوچستان (ساؤتھ) دی پیشہ ورانہ تیاریاں کوں سراہا۔ ایں موقع تے محسن نقوی فتنۃ الہندوستان سودھا سارے کالعدم دہشت گرد گروہاں دے خلاف کامیاب آپریشنز تے ایف سی بلوچستان (نارتھ) کوں خراجِ تحسین پیش کیتے۔
