لاہور۔27جولائی (اے پی پی) وفاقی وزیرِ داخلہ محسن نقوی دی سنوار دے ݙینہہ اتھاں منصورہ آمد تھئی، امیرِ جماعتِ اسلامی حافظ نعیم الرحمان نال ملاقات کیتی۔ ترجمان جماعتِ اسلامی دے مطابق ملاقات اچ ملک دی مجموعی صورتحال تے علاقائی امور سمیت عوامی مسائل دے حل بارے وی ڳالھ مہاڑ اتے مشاورت تھئی۔ جماعتِ اسلامی پاکستان دے قائم مقام سیکرٹری جنرل نذیر احمد جنجوعہ تے سیکرٹری اطلاعات شکیل احمد ترابی وی …
وفاقی وزیرِ داخلہ محسن نقوی دی منصورہ آمد، حافظ نعیم الرحمان نال ملاقات
لاہور۔27جولائی (اے پی پی) وفاقی وزیرِ داخلہ محسن نقوی دی سنوار دے ݙینہہ اتھاں منصورہ آمد تھئی، امیرِ جماعتِ اسلامی حافظ نعیم الرحمان نال ملاقات کیتی۔ ترجمان جماعتِ اسلامی دے مطابق ملاقات اچ ملک دی مجموعی صورتحال تے علاقائی امور سمیت عوامی مسائل دے حل بارے وی ڳالھ مہاڑ اتے مشاورت تھئی۔ جماعتِ اسلامی پاکستان دے قائم مقام سیکرٹری جنرل نذیر احمد جنجوعہ تے سیکرٹری اطلاعات شکیل احمد ترابی وی ایں موقع تے موجود ہن۔ ایں موقع تے وزیرِ داخلہ محسن نقوی ڳالھ مہاڑ کریندیں ہوئیں آکھیا جو فیلڈ مارشل سید محمد عاصم منیر دی مسلسل کوششاں نال کشیدگی اچ ولا ڳھٹکی آئی اے۔ وزیرِ داخلہ محسن نقوی حافظ نعیم الرحمان توں جماعتِ اسلامی دے سیکرٹری جنرل امیر العظیم دی رحلت تے وی اظہارِ افسوس کیا اتے فاتحہ خوانی کیتی۔ وزیرِ داخلہ سوگوار خاندان تے جماعت دے قائدین تے کارکنان کیتے وی صبرِ جمیل دی دعا کیتی۔
