وقتی تشخیص تے علاج، اجتماعی عزم تے مسلسل عملی اقدامات دے ذریعے ہیپاٹائٹس روکݨ تے علاج ممکن اے، صدر مملکت آصف علی زرداری دا عالمی یومِ ہیپاٹائٹس دے موقع تے پیغام

اسلام آباد۔27جولائی (اے پی پی) صدر مملکت آصف علی زرداری آکھیا جو اڄ اساں وائرل ہیپاٹائٹس دا خاتمہ کرݨ تے ہر پاکستانی دی صحت تے فلاح و بہبود کوں یقینی بݨاوݨ دے عزم دا اعادہ کریندوں، اے ݙینھ یاد ݙویندے جو اگرچہ ہیپاٹائٹس اساݙے ملک کوں درپیش سنگین عوامی صحت دے مسئلیں اچوں ہک اے تاں جو وقتی تشخیص، وقتی علاج، اجتماعی عزم تے مسلسل عملی اقدامات دے ذریعے ایں بیماری کوں روکݨ تے علاج ممکن اے۔ایوانِ صدر دے پریس ونگ توں عالمی یومِ ہیپاٹائٹس دے موقع تے جاری اپݨے پیغام اچ صدر مملکت آصف علی زرداری آکھیا جو پاکستان دنیا اچ ہیپاٹائٹس سی توں ساریں توں زیادہ متاثرہ ملکاں اچ شامل اے، لکھاں لوکاں دی بیماری پاروں اساݙے نظامِ صحت، معیشت تے معاشرے تے بارا دٻاؤ پوندا پئے، اگرچہ اساکوں ہک وݙے چیلنج دا سامݨا اے، لیکن ایں دے تدارک دا اساݙا عزم غیر متزلزل اے۔صدر مملکت آکھیا جو ایں وباء کوں روکݨ کیتے اساکوں انھاں بنیادی عوامل دا سدِباب کرݨا ہوسی جو معاشرے اچ ایں دے کھنڈݨ دا سبب بݨدے پئن، انھاں اچ غیر جراثیم کش طبی آلات دا استعمال، سرنجاں دا مسلسل غیر محفوظ استعمال، بغیر سکریننگ دے خون دی منتقلی تے حجامت خانیں تے بیوٹی سیلونز اچ رائج حفظانِ صحت دے منافی طریقے شامل ہن، ایں قومی بحران نال نبڑݨ کیتے ہک جامع حکمتِ عملی ناگزیر اے، ہک پاسے غیر محفوظ طبی تے تجارتی سرگرمیاں مکاوݨ کیتے موثر قانون سازی تے بھرپور عملدرآمد جفاں جو ݙوجھے پاسے وسیع عوامی آگاہی مہمات تاں جو شہری اپݨی تے اپݨے اہلِ خانہ دی حفاظت کیتے ضروری معلومات توں آگاہ تھی سڳن۔صدر مملکت آکھیا جو ایں قومی چیلنج دی سنگینی کوں سامݨے رکھیندیں حکومتِ پاکستان ’’وزیراعظم دے قومی پروگرام خاتمہِ ہیپاٹائٹس سی انفیکشن‘‘ جیھے اہم پروگرام دا آغاز کیتا، ایں دے تحت ملک دے عوام کوں ہیپاٹائٹس سی دی مفت سکریننگ، تشخیص تے علاج دی سہولتاں ݙتیاں ویندیاں پئن۔ انھاں آکھیا جو ایں پروگرام دی عملی سرگرمیاں دا کامیاب آغاز اسلام آباد توں تھی چکئے جتھاں کمیونٹی تے موبائل سکریننگ مہمات دے ذریعے ہݨ تئیں ݙاہ ہزار توں ودھ لوکاں دی سکریننگ کیتی ونڄ چکی اے، ایں مہم کوں وقتی ہی گلگت بلتستان تے آزاد جموں و کشمیر تئیں توسیع ݙتی ویسی۔