اسلام آباد۔28جولائی (اے پی پی) سپیکر قومی اسمبلی سردار ایاز صادق نال منگل کوں آذربائیجان دے سفیر خزر فرہادوف پارلیمنٹ ہاؤس اچ الوداعی ملاقات کیتی جئیں اچ پاکستان تے آذربائیجان دے برادرانہ تعلقات، ݙوپاسہ تعاون تے آپسی دلچسپی دے معاملیاں تے ڳالھ کیتی ڳئی۔ سپیکر سردار ایاز صادق آذربائیجانی سفیر دی خدمات کوں سراہندیں ہوئیں انھاں کیتے نیک خواہشات دا اظہار کیتا اتے انھاں پاکستان تے آذربائیجان وچال ݙوپاسہ تعلقات …
سپیکر قومی اسمبلی سردار ایاز صادق نال آذربائیجان دے سفیر خزر فرہادوف دی الوداعی ملاقات، ݙوپاسہ تعاون تے آپسی دلچسپی دے معاملیاں تے ڳالھ مہاڑ
مزید خبراں
اسلام آباد۔28جولائی (اے پی پی) سپیکر قومی اسمبلی سردار ایاز صادق نال منگل کوں آذربائیجان دے سفیر خزر فرہادوف پارلیمنٹ ہاؤس اچ الوداعی ملاقات کیتی جئیں اچ پاکستان تے آذربائیجان دے برادرانہ تعلقات، ݙوپاسہ تعاون تے آپسی دلچسپی دے معاملیاں تے ڳالھ کیتی ڳئی۔ سپیکر سردار ایاز صادق آذربائیجانی سفیر دی خدمات کوں سراہندیں ہوئیں انھاں کیتے نیک خواہشات دا اظہار کیتا اتے انھاں پاکستان تے آذربائیجان وچال ݙوپاسہ تعلقات دے مزید فروغ تے اطمینان دا اظہار کیتا۔ سپیکر آکھیا جو پاکستان تے آذربائیجان وچال برادرانہ تعلقات باہمی احترام تے مشترکہ اقدار تے استوار ہن، ݙوہائیں برادر ممالک دے درمیان عوامی سطح تے روابط سمیت ݙوپاسہ تعلقات اچ اضافہ خوش آئند اے۔آذربائیجانی سفیر سپیکر قومی اسمبلی ولوں تعریفی کلمات تے اظہارِ تشکر کیتا۔ تے انھاں آپݨی مدتِ سفارت دے دوران ملݨ آلی عزت تے محبت تے پاکستان دی حکومت تے عوام دا شکریہ ادا کیتا۔ آذربائیجانی سفیر ݙوہائیں برادر ملکاں وچال پارلیمانی روابط دے فروغ کیتے سپیکر سردار ایاز صادق دی کوششاں کوں سراہیا اتے ݙوہائیں برادر ملکاں وچال مستقبل اچ ݙوپاسہ تعلقات دے فروغ کیتے نیک خواہشات دا اظہار کیتا۔
