اسلام آباد۔28جولائی (اے پی پی) نائب وزیراعظم تے وزیرِخارجہ اسحاق ڈار نال امریکی کانگریس دے ہک وفد اتھاں ملاقات کیتی۔ترجمان دفترِ خارجہ موجب امریکی کانگریس دے وفد اچ ریان زنکے تے مائیکل بائومگارٹنر شامل ہن۔ وفد دا خیرمقدم کریندیں نائب وزیراعظم پاک-امریکہ تعلقات اچ جاری مثبت پیشرفت کوں اجاگر کیتا۔ ایں موقع تے فریقین ݙوطرفہ تعلقات کوں مزید تکڑا بݨاوݨ تے تجارت، سرمایہ کاری، انفارمیشن ٹیکنالوجی (آئی ٹی)، توانائی تے …
نائب وزیراعظم اسحاق ڈار نال امریکی کانگریس دے وفد دی ملاقات، تجارت، سرمایہ کاری، آئی ٹی، توانائی تے ٻئے شعبیں اچ تعاون ودھاوݨ دے طریقہِ کار تے ڳالھ مہاڑ
مزید خبراں
اسلام آباد۔28جولائی (اے پی پی) نائب وزیراعظم تے وزیرِخارجہ اسحاق ڈار نال امریکی کانگریس دے ہک وفد اتھاں ملاقات کیتی۔ترجمان دفترِ خارجہ موجب امریکی کانگریس دے وفد اچ ریان زنکے تے مائیکل بائومگارٹنر شامل ہن۔ وفد دا خیرمقدم کریندیں نائب وزیراعظم پاک-امریکہ تعلقات اچ جاری مثبت پیشرفت کوں اجاگر کیتا۔ ایں موقع تے فریقین ݙوطرفہ تعلقات کوں مزید تکڑا بݨاوݨ تے تجارت، سرمایہ کاری، انفارمیشن ٹیکنالوجی (آئی ٹی)، توانائی تے ٻئے سانجھی دلچسپی دے شعبیں اچ تعاون کوں وسعت ݙیوݨ دے طریقہِ کار تے ڳالھ مہاڑ کیتی ۔ انھاں ایں ڳالھ تے وی زور ݙتا جو پارلیمانی سطح تے مسلسل رابطے ݙوہیں ملکاں وچال سانجھے اعتماد کوں ودھارا ݙیوݨ تے پراݨی شراکت داری کوں مزید مستحکم بݨاوݨ اچ اہم کردار ادا کریندن۔کانگریس دے وفد امریکی معیشت تے معاشرے اچ متحرک پاکستانی نژاد امریکی برادری دی خدمات دی تعریف کریندے ایں کوں پاکستان تے امریکہ وچال ہک مضبوط تے اہم پل قرار ݙتا۔ ملاقات دے دوران علاقائی تے بین الاقوامی صورتحال تے وی ڳالھ مہاڑ کیتی ۔ امریکی ارکانِ کانگریس خطے اچ امن و استحکام دے ودھارے کیتے پاکستان دے تعمیری کردار دی تعریف کیتی
