خاتونِ اول بی بی آصفہ بھٹو زرداری دا لیاری اچ سپینسر آئی ہسپتال دا دورہ

کراچی۔28جولائی (اے پی پی) خاتونِ اول تے رکنِ قومی اسمبلی بی بی آصفہ بھٹو زرداری لیاری اچ واقع سپینسر آئی ہسپتال دا دورہ کیتا۔ اے ہسپتال ہݨے ہی میئر کراچی مرتضیٰ وہاب تے حکومتِ سندھ پبلک پرائیویٹ پارٹنرشپ دے تحت جدید طرز تے بحال کیتے۔ایوانِ صدر دے پریس ونگ توں جاری بیان موجب ایں ہسپتال اچ روزانہ تقریباً 4,000 مریضاں کوں او پی ڈی دی سہولت مفت ݙتی ویندی پئی اے۔ اپریل 2026ء توں ہݨ تئیں 700 توں ودھ لیزر تے ٻئے طبی پروسیجرز کامیابی نال انجام ݙتے ونڄ چکئن۔خاتونِ اول ہسپتال اچ ݙتی ونڄݨ آلی مفت تے معیاری طبی سہولتاں دا جائزہ ڳھدا تے ڈاکٹراں، پیرا میڈیکل سٹاف تے ہسپتال دی پوری ٹیم دی عوامی خدمت تے پیشہ ورانہ خدمات دی تعریف کیتی ۔ ایں موقع تے میئر کراچی مرتضیٰ وہاب، رکنِ قومی اسمبلی شازیہ مری تے ٻئے وی خاتونِ اول بی بی آصفہ بھٹو زرداری دے رلے موجود ہن۔