پیپلز پارٹی دا بغیر ثبوت دھاندلی دے الزام لاوݨ شکست لُکاوݨ دی ناکام کوشش اے، ڈاکٹر طارق فضل چوہدری

اسلام آباد۔29جولائی (اے پی پی) وفاقی وزیرِپارلیمانی امورڈاکٹر طارق فضل چوہدری آکھیے جو پیپلز پارٹی کنے آزاد کشمیر دے الیکشن اچ دھاندلی دے کوئی ثبوت ہن تاں ایں کوں متعلقہ قانونی تے انتخابی فورمز تے پیش کرے، بے بنیاد الزامات عوام دے فیصلے کوں متنازعہ نی بݨا سڳدے۔سماجی رابطے دی ویب سائٹ ’’ایکس‘‘ تے اپݨے بیان اچ انھاں آکھیا جو پاکستان پیپلز پارٹی ہک واری ول اپݨی پراݨی روایت دہریندی پئی اے، بغیر کہیں ثوبت دے دھاندلی دے الزام لاوݨ شکست کوں لُکاوݨ دی ناکام کوشش اے ،آزاد کشمیر دے لوکاں بیلٹ دے ذریعے اپݨا فیصلہ سݨا ݙتے، پیپلز پارٹی دی سابقہ حکومت دی کارکردگی دا جائزہ گھنݨ دے بعد انھاں ترقی، استحکام تے خدمت دی سیاست اچ اعتماد دے نال پاکستان مسلم لیگ (ن) کوں ووٹ ݙتا۔انھاں آکھیا جے پیپلز پارٹی دے کنے واقعی کوئی ثبوت اے تاں ایں کوں متعلقہ قانونی تے انتخابی فورمز تے پیش کرݨا چاہیدے، بے بنیاد الزامات عوام دے فیصلے کوں متنازعہ نی بݨا سڳدے۔