اسلام آباد۔29جولائی(اے پی پی)وزیراعظم محمد شہباز شریف پاکستان والی بال ٹیم کوں سینٹرل ایشیئن والی بال چیمپئن شپ جِیتݨ تے مبارک ݙتی اے۔ وزیراعظم سینٹرل ایشیئن والی بال چیمپئن شپ دے فائنل اچ بنگلہ دیش کوں ہرا تے ٹائٹل اپݨے ناویں کرݨ تے پاکستان والی بال ٹیم کوں مبارک ݙتی اتے کھلاڑیاں، کوچز اتے ٹیم مینجمنٹ دی شاندار کارکردگی دی تعریف کریندے آکھیے جو قومی ٹیم بہترین کھیݙ، نظم و …
وزیراعظم محمد شہباز شریف دی پاکستان والی بال ٹیم کوں سینٹرل ایشیئن والی بال چیمپئن شپ جِیتݨ تے مبارک
اسلام آباد۔29جولائی(اے پی پی)وزیراعظم محمد شہباز شریف پاکستان والی بال ٹیم کوں سینٹرل ایشیئن والی بال چیمپئن شپ جِیتݨ تے مبارک ݙتی اے۔ وزیراعظم سینٹرل ایشیئن والی بال چیمپئن شپ دے فائنل اچ بنگلہ دیش کوں ہرا تے ٹائٹل اپݨے ناویں کرݨ تے پاکستان والی بال ٹیم کوں مبارک ݙتی اتے کھلاڑیاں، کوچز اتے ٹیم مینجمنٹ دی شاندار کارکردگی دی تعریف کریندے آکھیے جو قومی ٹیم بہترین کھیݙ، نظم و ضبط اتے ٹیم ورک ݙکھیندے ہوئے پوری قوم دا سِر ماݨ نال اچا کر ݙتے۔ وزیراعظم آکھیا جو پاکستان دے باصلاحیت نوجوان کھیڈاں دے ہر میدان اچ ملک دا ناں اچا کرݨ دی وݙی صلاحیت رکھدن، حکومت کھیڈاں دے ودھارے اتے نوجوان کھلاڑیاں دی ہر ممکن سرپرستی جاری رکھسی۔ وزیراعظم قومی ٹیم کیتے مستقبل دے مقابلیاں اچ وی ودھ کامیابیاں کیتے نیک تمناواں پچائن۔
