راولپنڈی۔29جولائی(اے پی پی)کویت دے وزیرِ خارجہ شیخ جراح جابر الاحمد الصباح جنرل ہیڈکوارٹرز (جی ایچ کیو) دا دورہ کیتے جتھاں انھاں فیلڈ مارشل اتے چیف آف ڈیفنس فورسز سید عاصم منیر نال ملاقات کیتی۔ پاک فوج دے شعبہ تعلقاتِ عامہ (آئی ایس پی آر) دے مطابق ݙسایا ڳئے جو ایں ملاقات اچ باہمی دلچسپی دے امور، علاقائی سلامتی دی مجموعی صورتحال اتے ݙوہائیں ملکاں وچال دفاعی اتے سکیورٹی تعاون ٻیا …
کویتی وزیرِ خارجہ دی جی ایچ کیو آمد: فیلڈ مارشل سید واصم منیر نال ملین
راولپنڈی۔29جولائی(اے پی پی)کویت دے وزیرِ خارجہ شیخ جراح جابر الاحمد الصباح جنرل ہیڈکوارٹرز (جی ایچ کیو) دا دورہ کیتے جتھاں انھاں فیلڈ مارشل اتے چیف آف ڈیفنس فورسز سید عاصم منیر نال ملاقات کیتی۔ پاک فوج دے شعبہ تعلقاتِ عامہ (آئی ایس پی آر) دے مطابق ݙسایا ڳئے جو ایں ملاقات اچ باہمی دلچسپی دے امور، علاقائی سلامتی دی مجموعی صورتحال اتے ݙوہائیں ملکاں وچال دفاعی اتے سکیورٹی تعاون ٻیا ودھاوݨ دے مختلف پہلوآں تے ڳالھ مہاڑ تھئی اے۔ ترجمان پاک فوج ݙسایا جو ݙوہائیں رہنماواں پاکستان اتے کویت دے دیرینہ برادرانہ تعلقات کوں ٻیا تکڑا ٻݨاوݨ اتے مختلف شعبیاں اچ تعاون ودھاوݨ دا عزم دوہرائے۔ آئی ایس پی آر دے مطابق کویتی وزیرِ خارجہ خطے اچ امن، استحکام اتے سکیورٹی سانڳے پاکستان دے مثبت اتے تعمیری کردار کوں سراہندے ݙوہائیں ملکاں وچال مضبوط شراکت داری ٻیا ودھاوں دا وی آکھیے۔ ترجمان پاک فوج دے مطابق جی ایچ کیو اچ تھیوݨ والی ملاقات اچ فیلڈ مارشل سید عاصم منیر کویت نال پاکستان دے مضبوط اتے دیرینہ تعلقات تکڑے کرݨ دا عزم دوہریندے آکھیا جو پاکستان اتے کویت علاقائی امن، استحکام اتے خوشحالی کیتے ہکو ڄھئیں جذبات رکھیندن اتے ݙوہائیں ملک باہمی تعاون ٻیا تکڑا کرݨ چاہندن۔
