پاک بحریہ دا کامیاب آپریشن، شمالی بحیرہِ عرب اچ پھتے 19 ماہی گیراں کوں بچا گھدا

راولپنڈی۔30جولائی (اے پی پی) پاک بحریہ کامیاب آپریشن دے دوران شمالی بحیرہِ عرب اچ پھتے 19 ماہی گیراں کوں بچا گھدے۔ تفصیلات دے مطابق پاک بحریہ دے جہاز پی این ایس تیمور شمالی بحیرہِ عرب اچ پھتی ماہی گیر کشتی کوں بچاوݨ کیتے کامیاب ریسکیو آپریشن کیتا۔ بحریہ دے جہاز پی این ایس تیمور کامیاب آپریشن اچ سمندر اچ پھتے 19 ماہی گیراں کوں وی بحفاظت ریسکیو کیتا۔ ماہی گیر کشتی گوادر توں تقریباً 120 ناٹیکل میل جنوب اچ انجن دی خرابی دے باعث پھس ڳئی ہئی، ایں تے سوار عملے دے تمام 19 افراد کوں بحفاظت بچا گھدا ڳیا جنھاں اچ 11 پاکستانی تے 8 ایرانی شہری شامل ہن۔ جوائنٹ میری ٹائم انفارمیشن کوآرڈینیشن سینٹر سرچ اینڈ ریسکیو آپریشن کیتے پاک بحریہ نال رابطہ کیتا ہئی۔ پاک بحریہ دے جواناں کشتی دے عملے کوں سمندر اچ خوراک، پیوݨ دا پاݨی تے طبی امداد فراہم کیتی اتے کشتی کوں بحفاظت ساحل تک منتقل کیتا۔ اے کامیاب ریسکیو آپریشن سمندر اچ انسانی جاناں دے تحفظ کیتے پاک بحریہ دے عزم تے ہمہ وقت تیاری دا مظہر اے۔