بانی پی ٹی آئی وی علاج دے مختلف مرحلیاں تے مطمئن ہین، رانا ثناء اللہ

اسلام آباد۔17 اگست(اے پی پی)وزیراعظم دے مشیر برائے سیاسی امور رانا ثناء اللہ آکھیے جو بانی پی ٹی آئی وی علاج دے مختلف مرحلیاں تے مطمئن ہین۔ سینیٹ اچ قائدِ حزبِ اختلاف راجہ ناصر عباس دے نکتیاں تے ولدا ݙیندے رانا ثنا اللہ آکھیے جو بانی پی ٹی آئی دے بلڈ پریشر بارے جیڑھیاں معلومات ہݨ تک سامݨے آئن، ایندے اچ کڄھ دعویاں دی تصدیق نئیں تھئی، اکھ دے علاج دے معاملے تے انہاں کوں پاکستان سودھا ڄڳ اچ دستیاب بہترین طبی سہولیات دے مطابق علاج ݙتا ڳئے۔ انہاں اکھیا جو بانی پی ٹی آئی دے ضروری ٹیسٹ اتے علاج جیل اچ وی کیتے ڳئن جݙاں جو انہاں کوں پمز ہسپتال گھن آ تے وی طبی معائنہ اتے ٹیسٹ کرائے ڳئے۔ شفاء انٹرنیشنل دے ڈاکٹراں دی ٹیم نال بانی پی ٹی آئی دی پارٹی ولوں تجویز کیتے ڳئے ڈاکٹر کوں وی رلایا ڳیا۔ انہاں اکھیا جو علاج دے مختلف مرحلیاں اچ بانی پی ٹی آئی وی اطمینان کیتے اتے انہاں دا علاج مکمل طور تے دستاویزی شکل اچ موجود اے۔ انہاں اکھیا جو بانی پی ٹی آئی دیاں مختلف درخواستاں اسلام آباد ہائی کورٹ اتے سپریم کورٹ اچ زیرِ سماعت ہن، جتھاں قانونی معاملیاں دا فیصلہ عدالتاں کرݨے۔ ملاقاتاں بارے رانا ثناء اللہ اکھیا جو بانی پی ٹی آئی نال ملاقاتاں وی تھیندیاں پئن۔ انہاں اپوزیشن ارکان کوں آکھیا جو ایوان اچ اپݨا موقف اتے آواز چاوݨ دا حق اے ٻھل قانون اتے قواعد و ضوابط دے مطابق جو وی معاملہ اے، حکومت اپݨا موقف واضح کر چکی اے۔