عسکری قیادت دا پائلٹ آفیسر راشد منہاس شہید کوں خراجِ عقیدت

راولپنڈی۔20اگست (اے پی پی) چیف آف آرمی اسٹاف تے چیف آف ڈیفنس فورسز فیلڈ مارشل سید عاصم منیر، پاک بحریہ دے سربراہ ایڈمرل نوید اشرف، پاک فضائیہ دے سربراہ ایئر چیف مارشل ظہیر احمد بابر سدھو اتے مسلح افواج پائلٹ آفیسر راشد منہاس شہید (نشانِ حیدر) دے 55 ویں یومِ شہادت دے موقع تے انہاں کوں خراجِ عقیدت پیش کیتا اتے وطن دے دفاع اچ انہاں دی عظیم قربانی کوں سلام پیش کیتا۔ پاک فوج دے شعبہ تعلقاتِ عامہ (آئی ایس پی آر) توں جاری بیان دے مطابق 1971ء اچ ایں ݙینھ پائلٹ آفیسر راشد منہاس شہید غیر معمولی جرات، غیر متزلزل عزم تے فرض نال بے مثال وابستگی دا مظاہرہ کیتا۔ ہک غیر معمولی چیلنج دا سامݨا کریندیں ہوئیں انہاں پاکستان دی خودمختاری تے وقار دے تحفظ کیتے آپݨی جان دا نذرانہ پیش کیتا۔ انہاں دا بے لوث اقدام جرات، وفاداری تے وطن دے دفاع کیتے عزم تے وابستگی دی روشن مثال اے۔ پاکستان دے عوام تے مسلح افواج ایں عظیم سپوت کوں عقیدت تے احترام نال خراجِ تحسین پیش کریندیں ہوئیں پاکستان دی خودمختاری، علاقائی سالمیت تے قومی مفادات دے تحفظ کیتے آپݨے غیر متزلزل عزم دا اعادہ کریندن۔ راشد منہاس شہید دی لازوال قربانی تے وراثت قوم تے مسلح افواج کیتے جرات، ایثار، حب الوطنی تے فرض نال وفاداری دی ہک ابدی علامت دے طور تے ہمیشہ مشعلِ راہ تھیسی۔