وفاقی حکومت دا عید میلاد النبی ﷺ تے پورے ملک اچ عام چھٹی دا اعلان

اسلام آباد۔21اگست (اے پی پی) وفاقی حکومت 12 ربیع الاول 1448 ہجری کوں عید میلاد النبی ﷺ دے پرمسرت موقع تے 26 اگست (بروز بدھ) کوں پورے ملک اچ عام چھٹی دا اعلان کر ݙتے۔ کابینہ سیکرٹریٹ (کابینہ ڈویژن) توں جاری نوٹیفکیشن دے مطابق وزیرِ اعظم محمد شہباز شریف 26 اگست کوں عید میلاد النبی ﷺ دے سلسلے اچ عام چھٹی دی منظوری ݙتی۔ نوٹیفکیشن دی کاپی تمام متعلقہ وفاقی وزارتاں، ڈویژناں، صوبائی تے آزاد کشمیر تے گلگت بلتستان حکومتاں، مسلح افواج دے ہیڈکوارٹرز تے اعلیٰ عدالتی تے سرکاری اداریاں کوں بھیج ݙتی ڳئی اے۔ ایں ݙینھ وفاقی تے صوبائی سطح تے تمام سرکاری تے نیم سرکاری دفاتر، تعلیمی ادارے تے بینک بند رہسن۔